قازاقستاندىق كورىپكەل باقىت جۇماتوۆا قازاقستاننىڭ بولاشاعىنا بولجام جاسادى، دەپ حابارلايدى caravan.kz
قازاقستاندىقتار ءوز شىققان جەرلەرىڭە ورالىڭدار ورالىڭدار
– 2015 جىلى مەن ءۇش جىلعا بولجام جاساعان بولاتىنمىن. ال، بۇگىن 2027 جىلعا دەيىنگى كەزەڭدى كورىپ وتىرمىن، بالكىم، رۋحاني وسكەندىگىمنەن بولار. بۇل جىل بارلىق قارىم-قاتىناستا ءپوزيتيۆتى بولعانىمەن، وتە اۋىر جىل بولادى. العاشقى ءۇش ايدا، ادەتتەگىدەي، ۇيرەنۋ پروسەسى جۇرەدى. كەيىننەن بارلىق سالادا قارقىنداپ ءوسۋ جۇمىسى باستالادى. ەڭ باستىسى اۋىلشارۋاشىلىعىندا. وسىدان ءتورت جىل بۇرىن اقتوبە وبلىسىندا اۋىلشارۋاشىلىعىن جاقسارتۋ كەرەكتىگىن ايتقان ەدىم. حالىققا ەڭ قاجەتتىسى – جەر، ەت، كوكەنىستەر مەن جەمىستەر، سول سەبەپتى دە قازاقستاندىقتار بۇل ماسەلەمەن اينالىسۋى قاجەت. ءقازىر ۋاقىتشا تىركەۋمەن بارلىعىنىڭ باسى قاتىپ ءجۇر، بۇنىڭ بارلىعى حالىقتى ءوز شىققان جەرىنە قايتارۋعا الىپ كەلە جاتىر. مەن ورال وبلىسىنداعى اۋىلدا تۋىپ-وسكەنمىن، اۋىلدىڭ قىزى بولعانىما ەش ۇيالمايمىن. سەبەبى، ناعىز تابيعي ءسۇتتىڭ، قايماقتىڭ، كارتوپتىڭ... نە ەكەنىن جاقسى بىلەمىن. باتىس قازاقستان وبلىسىندا مال شارۋاشىلىعىن قولعا الىپ، دامىتسا ەكەن دەيمىن. سولتۇستىكتەگى ءبىزدىڭ بايلىعىمىز – نان، ال وڭتۇستىكتە – جەمىستەر مەن كوكەنىستەر، الماتى قالاسىندا الما كوپ وسىرىلەدى. وسى ايماقتىڭ تۇرعىندارى قولدارىندا بار رەسۋرستارىن دۇرىس پايدالانىپ، جاقسى اينالىسسا، بولاشاقتا ۇلكەن پايداسى ءتيىپ، ەلىمىزگە كوپ كىرىس الىپ كەلەدى.
– الداعى ون جىلدىقتا نە نارسەگە دايىن بولعانىمىز دۇرىس؟
– قازىرگى قيىندىقتاردىڭ بارلىعى دا ۋاقىتشا. ەكسپو وتە جوعارى دەڭگەيدە وتەدى. سپورت، ونەر، ءبىلىم، مەديسينا سالالارى قارقىندى دامي باستايدى. عالىمداردىڭ نازارى وقو شىمكەنت قالاسىنا اۋدارىلادى. سۋدىڭ باعاسى ۇلكەن ماسەلە تۋدىرۋى مۇمكىن. بارلىعىنا يە بولا الامىز، تەك سۋ تاپشىلىعى باستالادى. باسقا جەرگە كەتىپ جاتقان بۇلاق كوزىن جاڭارتۋىمىز قاجەت.
– فينانس سەكتورى كۇننەن-كۇنگە قۇلدىراپ بارادى، بانكتەر ءوز جۇمىسىن توقتاتىپ جاتىر. بارلىعى دا وسى ماسەلەگە الاڭداۋلى، بۇدان ءارى قاراي نە بولادى؟ قولىمىزداعى قاراجاتتى قايدا تاپسىرۋعا بولادى؟
– ءبىراز ۋاقىت وتكەننەن سوڭ بىردە-بىر بانك قالمايدى. ءبىز رۋبلعا اۋىسامىز. رۋبل دوللار مەن ەۆرودان دا قىمبات ۆاليۋتا بولماق. مەنىڭ كورىپ تۇرعانىمدا قازاقستان ءۇشىن بۇل تىپتەن جامان ەمەس. ەڭ باستىسى، وزگە ەلدەر جەرىمىزدى جاۋلاپ الماۋى ءۇشىن شەكارامىزدى نىعايتىپ، اباي بولۋىمىز قاجەت. 3 جانە 4 دەگەن سانداردى كورىپ تۇرمىن. مۇمكىن، 3-4 جىلدان سوڭ قازاقستاندىقتاردا اقشا كوپ بولادى. ايلىق باعاسى كوبەيەدى دەپ ايتا المايمىن، ءبىراق قوسىمشا تابىس كوزى بولادى.
اۋدارعان: نازەركە لابيحان
پىكىر قالدىرۋ