ق ر پارلامەنت ءماجىلىسىنىڭ دەپۋتاتى امانجان جامالوۆ حقكو-داعى ءولىم جاعدايىنا قاتىستى بىلدىرگەن پىكىرىن ءتۇسىندىردى، - دەپ حابارلايدى Tengrinews.kz ءتىلشىسى.

"مەن ادامنىڭ كەز كەلگەن جەردە قايتىس بولۋى مۇمكىن ەكەنىن ايتقىم كەلدى، ال مەنى جوق جەردەن جالماۋىزعا اينالدىردى"، - دەيدى ول. 

جامالوۆتىڭ ايتۋىنشا، دەپۋتات باسپا ءسوز وكىلدەرىنە ۇكىمەت ساعاتىنداعى ماسەلەلەر جايىنداعى سۇراقتارعا جاۋاپ بەرۋى ءتيىس ەدى، ناقتىراق ايتقاندا ول كەدەن جانە سالىق اكىمشىلىكتەندىرۋى جايلى ايتپاق بولىپتى. ءبىراق ول بيشىمبايەۆتىڭ ۇستالۋى، بجزق-عا قاتىستى قىلمىستىق ءىس جانە ۋاقىتشا تىركەۋگە بايلانىستى سۇراقتار قويىلادى دەپ كۇتپەپتى. 

"كەنەت جۋرناليست ماعان "بۇگىن حقكو-دا ادام ءولدى، حقكو-دا ولگەن ادامدار ءۇشىن ءوزىڭىزدى كىنالىمىن دەپ ەسەپتەيسىز بە؟" دەپ سۇراق قويدى. سۇراقتىڭ ارانداتۋ ماقساتىندا قويىلعاننى ءتۇسىندىم، ساسىپ قالدىم. مەن لوگيكامەن ويلايتىن اداممىن جانە مەن ءۇشىن ادامنىڭ ءولىمى مەن حقكو-دا قايتىس بولعان ادامنىڭ ماسەلەسىن بايلانىستىرۋ قيىن بولدى. بۇل جاعدايدان حابارىم بولمادى"، - دەدى دەپۋتات.

"مەنىڭ جالعىز قاتەلىگىم دۇرىس ءسوزدى قولدانباعانىم. "ۋسپەح" ءسوزىن كوپشىلىك تۇسىنگەن جەتىستىككە جەتۋ دەگەن ماعىنادا ايتقان جوقپىن عوي. ادام ءولىمىن جەتىستىك دەپ ايتۋعا بولمايتىنى تۇسىنىكتى. ەسى دۇرىس ادامعا بۇل ءسوزدى وقىعان كەزدە بارلىعى دا تۇسىنىكتى بولادى. مەنىڭ ايتقىم كەلگەنى - ءولىپ كەتۋ مۇمكىندىگى بارلىق جەردە بىردەي. مۇنداي جاعدايدا ادامنىڭ باسقا قوعامدىق ورىندا قايتىس بولۋى دا مۇمكىن، جازمىشتىڭ قاشان كەلەتىنىن ءبىر اللا بىلەدى جانە سول زاڭدى قابىلداعان دەپۋتاتتاردى ءبىرى رەتىندە ادام ءولدى جانە وعان مەن كىنالىمىن دەپ ايتۋ قاتە، شىنىمدى ايتايىن"، - دەيدى جامالوۆ.

ماجىلىسمەننىڭ ايتۋىنشا، ۋاقىتشا تىركەۋدى اۋەجايداعى قاۋىپسىزدىك شارالارىمەن بايلانىستىرۋعا بولادى. تەكسەرۋ، جۇكتى قاراۋ جانە جولاۋشىلاردىڭ ءاتى-جونىن انىقتاۋ اۋەجاي عيماراتىندا كەزەك تۋعىزادى، ءبىراق بۇل شارالارعا قاتىستى ەشكىم دە سىن ايتپايدى، سەبەبى بۇل ادامداردىڭ قاۋىپسىزدىگى مەن دەنساۋلىعى ءۇشىن جاسالىپ وتىر. ۋاقىتشا تىركەۋ نورماسىن ەنگىزۋ، دەپۋتاتتىڭ ايتۋىنشا، ءدال وسىنداي ماقسات ءۇشىن جاسالىپ وتىر جانە بارلىق اكىمشىلىك ماسەلەلەر ۇكىمەت دەڭگەيىندە شەشىلەدى.

"مەن انىقتاپ كوردىم، مۇنداي قايعىلى جاعداي ءبىرىنشى رەت بولىپ وتىرعان جوق ەكەن، قازاقستان بويىنشا بۇعان دەيىن دە حقكو-لاردا ءولىم جاعدايلارى بولىپتى، سەبەبى مۇندا كۇن سايىن كوپتەگەن ادام كەلەدى. ەلىمىز بويىنشا وسىنداي قايعىلى وقيعانىڭ ونداعان جاعدايى بولىپتى جانە ولاردىڭ ۋاقىتشا تىركەۋمەن بايلانىسى جوق. حقكو-لاردا عانا ەمەس، باسقا دا قوعامدىق ورىنداردا بولىپتى. اۋرۋ-سىرقاتتىڭ ءتۇرى كوپ، بارلىعىن بىردەي بولجام ءبىلۋ وڭاي ەمەس. ءبىر جاعدايدى ەكىنشىسىنە بايلانىستىرۋدىڭ قاجەتى جوق. ءدال وسى جاعدايدا ناقتىلى ءبىر جايتتاردى مۇددەلى ادامدار جاعدايدى ۋشىقتىرۋ ءۇشىن كورسەتىپ وتىر. بۇل پروبلەما ۇكىمەت دەڭگەيىندە شەشىلەدى، قاجەتتى شارالاردى جۇرگىزۋ كەرەك، ال بىرەۋلەر وسىنداي جاعدايلاردى جيناستىرىپ جۇرەدى، ياعني مۇنداي جاعدايلار بىرەۋدىڭ مۇددەسى ءۇشىن دە جاسالىپ جاتادى"، - دەپ ەسەپتەيدى امانجان جامالوۆ.

"ال ادام ءولىمىن مەنىڭ قىزمەتىممەن بايلانىستىرۋ، مەن نەلىكتەن ءوزىمدى كىنالى سەزىنۋىم كەرەك؟ مەنى جالماۋىز ءارى ادام بالاسىنا قاس رەتىندە كورسەتە سالدى. ءومىر بويى ادال ەڭبەك ەتتىم، ەكونوميكا عىلىمدارىنىڭ دوكتورىمىن، پارلامەنتتە ەڭبەك ەتىپ ءجۇرمىن، ەكونوميكالىق بلوك ماسەلەلەرى بويىنشا ماماندانعانمىن جانە پايدام دا از ەمەس. جۇمىسىممەن، قولىمنان كەلەتىن ىسپەن، بىلىمىممەن ماقتانامىن"، - دەدى سوڭىندا دەپۋتات.

ەسكە سالايىق، بۇگىن، 16 قاڭتاردا الاتاۋ اۋداندىق حالىققا قىزمەت كورسەتۋ ورتالىعىندا 1964 جىلعى كۋنتاكوۆ جاراس نۋركيباي ۇلى قايتىس بولدى. ول ورتالىققا تۇرعىلىقتى جەرى بويىنشا تىركەلۋ ءۇشىن كەلگەن. "ازاماتتارعا ارنالعان ۇكىمەت" مەملەكەتتىك كورپوراسياسىنىڭ وكىلدەرى وقيعا كەزىندە "حقكو-دا ادام سانى كوپ بولماعان" دەيدى.