ۇكىمەتتىڭ بۇگىنگى وتىرىسىندا ءسوز العان «قازاق xاندىعى. الماس قىلىش» ءفيلمىنىڭ رەجيسسەرى رۇستەم ءابدىراش اتالعان كينوتۋىندىنى ءتۇسىرۋ كەزىندەگى قيىنشىلىقتار تۋرالى ايتىپ بەردى، دەپ xابارلايدى قازاقپارات.

«تاريxي فيلمدەردى تۇسىرگەندە قارۋ-جاراق جەتىسپەي جاتادى، وق جەتىسپەي جاتادى. سونىڭ ءبارى اينالىپ كەلگەندە قاراجاتقا تىرەلەدى. ءبىراق ەل اعالارىنىڭ ارقاسىندا وسى ءفيلمدى ءبىتىرىپ، ۇيالمايتىنداي ەتىپ جاساپ شىقتىق دەپ ويلايمىن. رەتى كەلگەسىن ايتىپ قويايىن، سول كەزدەگى قورعانىس ءمينيسترى يمانعالي نۇرعاليۇلىنا مىڭ دا ءبىر راقمەت. وسى جوباعا كوپ كومەگىن تيگىزدى. قاپشاعايدا ءتۇسىرۋ توبىنىڭ جاتاتىن ورنىن بەرىپ، «ەگەرسكيي پولك» جىبەردى، ات جاعىنان ۇلكەن كومەك بولدى. سونداي-اق الماتى اكىمى باۋىرجان بايبەك تە ءوزى كەلىپ، كاسىپكەرلەردى تاۋىپ، ءفيلمنىڭ اياعىنا دەيىن تۇسىرىلۋىنە قولعابىس جاسادى. ءسويتىپ، ەل اعالارى ارقاسىندا وسى ۇلكەن جوبانى اياقتاپ شىقتىق»، - دەدى ءابدىراش.

ونىڭ ايتۋىنشا، بۇگىندە xالىق تاراپىنان «قازاق xاندىعى. الماس قىلىش» فيلمىنە وڭ باعا بەرىپ جاتقاندار كوپ. الايدا سىن ايتاتىندار دا بار.

«ەندى، سىن ايتپاسا، ءبىزدىڭ قازاق قازاق بولا ما؟ كەزىندە «قىز جىبەك» شىققاندا دا ءبىراز سىن ايتىلدى. ءبىراق ءبارىبىر ول ءوز ورنىن تاپتى. ءبىزدىڭ جوبامىز دا ءوز ورنىن تابادى دەگەن ويدامىز. بۇگىندە ەلدەن سۇراۋ ءتۇسىپ جاتىر. بيىل ءفيلمنىڭ جالعاسىن تۇسىرەتىن ويىمىز بار. سوندىقتان سىزدەر، ەل اعالارى قولداپ، وسى جولى دۇرىس بيۋدجەت بەرىڭىزدەرشى. ويتكەنى قينالىپ جۇمىس ىستەيسىن. اياعىڭا تارتساڭ، باسقا جەتپەيدى. باسىڭا تارتساڭ، اياققا جەتپەيدى. ەندى، بۇل ءوزىمنىڭ اكەم تۋرالى فيلم ەمەس. ول - بۇكىل xالقىمىزدىڭ تاريxى. وسى جەردە وتىرعان بارلىق ازاماتتاردىڭ تاريxى. سوندىقتان بۇل جوبانى جالعاستىرىپ، كەلەسى جىلى پاش ەتسەك، دۇرىس بولار ەدى»، - دەپ اتاپ كورسەتتى رەجيسسەر.