الماتىلىقتار بىشكەكتە  Boeing 747 ۇشاعىنىڭ قۇلاۋىنا بايلانىستى زارداپ شەككەن ادامدارعا كومەك كورسەتۋ ءۇشىن گۋمانيتارلىق كومەك جينايدى، دەپ حابارلايدى Tengrinews.kz. ءتىلشىسى.

ءىس-شارانىڭ باستاماشىسى «مەن الماتىلىقپىن» قوعامدىق بىرلەستىگى. اتاپ ايتقاندا، ونىڭ باسشىسى كونستانتين اۆەرشين. «23 ءۇي قيراتىلدى، ادامدار مەن بالالار زارداپ شەكتى. ءبىز زارداپ شەككەن اعايىندارعا كومەك قولىن سوزايىق دەپ شەشتىك. جىلى كيىمدەر، كونسەرۆىلەر، جارمالار، ماكارون ونىمدەرى، پامپەرستەر، جەكە گيگيەنا زاتتارى، كورپەلەر كەرەك»، – دەپ جازدى Instagram پاراقشاسىندا.  
ءال-فارابي مەن دوستىق داڭعىلدارىنىڭ قيىلىسىندا ورنالاسقان «ريتس پالاس» ويىن-ساۋىق ورتالىعىندا زاتتاردى قابىلدايمىز. جيناۋ 16 قاڭتاردىڭ 15.00 دەن 19.00-گە دەيىن، 17 قاڭتار كۇنى تاڭەرتەڭنەن 19.00-گە دەيىن قابىلدانادى. سونداي-اق، «ريتس پالاستىڭ» قاۋىپسىزدىك ينسپەكتورىنىڭ: +77713003442 (بولات) جانە «مەن الماتىلىقپىن» بىرلەستىگىنە جاۋاپتى +77016112868 (ارمان) بايلانىسۋ نومىرلەرى بەرىلگەن.

«ءبىز بىشكەككە حابارلاستىق. ول جاقتا ەڭ الدىمەن جىلى كيىمدەر مەن كونسەرۆىلەنگەن ونىمدەر كەرەك ەكەنىن ايتتى. كيىمدەر جاڭا نەمەسە جاقسى جاعدايدا بولسا ەكەن دەگەن ۇلكەن ءوتىنىش ايتامىن. ويتكەنى ءبىز قاراعاندى وبلىسىنا كيىم جيناعانىمىزدا، كوبىسى ەسكى بولىپ شىقتى. ءبىز كورشى ەلگە كومەك بەرەيىن دەپ جاتىرمىز، سوندىقتان جاڭا كيىمدەردى الىپ كەلگەندەرىڭىز ابزال بولاتىن ەدى، – دەدى اۆەرشين Tengrinews.kz تىلشىسىمەن تەلەفون ارقىلى سويلەسۋ بارىسىندا.