قمدب جاڭاوزەن قالاسى ورتالىق مەشىتىنىڭ نايب يمامى يسرافيل بەگەي ۋاحابيلەر مەن سالافيتتەردى اۋىر سىنادى. ونىڭ سىنعا الۋىنا سول سەكتا وكىلدەرىنىڭ جاقىندا دۇنيەدە وتكەن ابدۋساتتار سمانوۆ تۋرالى عايبات دۇنيەلەر ايتۋى، سمانوۆتىڭ عالىمدىعى تۇگىلى مۇسىلماندىعىنا سىن كەلتىرگەن ايىپتاۋلارى سەبەپ بولعان.
ايتا كەتەتىن بولساق، قمدب-نىڭ عۇلامالار كەڭەسىنىڭ مۇشەسى، وقو، «سارىاعاش» مەدرەسەسىنىڭ ديرەكتورى بولعان ابدۋساتتار سمانوۆ ۇستازدىڭ ءدىن سالاسىندا جاساعان ەڭبەگى وراسان. سمانوۆ وتكەن جىلى قاراشانىڭ 28-ىندە دۇنيە سالدى. ونىڭ جانازاسىنا 15 مىڭداي ادام جينالعان بولاتىن.
سمانوۆ ابساتتار شاكىر ۇلى 1966 جىلى قاراشانىڭ 5-جۇلدىزىندا شىمكەنت وبلىسى سارىاعاش اۋدانى، لەنين سوۆحوزىندا (قازىرگى وقو سارىاعاش اۋدانى جارتىتوبە اۋىلدىق وكرۋگى ىنتىماق ەلدى-مەكەنىندە) دۇنيەگە كەلگەن. 1973 جىلى م.ي.كالينين اتىنداعى ورتا مەكتەپكە بارىپ 1983 جىلى ءبىتىردى.
1984 -1986 جىلدارى اسكەري بورىشىن وتەدى.
1987 جىلى ەركىن كۇرەستەن سپورت شەبەرى كانديداتتىعىن ورىندادى.
1987-1989 جىلدارى ارالىعىندا قاجىمۇقان مۇڭايتپاسوۆ اتىنداعى سارىاعاش بالالار جانە جاسوسپىرىمدەر سپورت مەكتەبىندە قازاقشا كۇرەستەن جاتتىقتىرۋشى بولىپ قىزمەت ەتتى.
1989-1993 جىلدار ارالىعىندا وزبەكستان رەسپۋبليكاسى تاشكەنت قالاسىنداعى يمام ءال-بۇحاري اتىنداعى جوعارى يسلام ءينستيتۋتىن ۇزدىك ديپلوممەن ءتامامدادى.
1995 –جىلدان 2002 –جىلعا دەيىن «تاياقتى ەشان» مەشىتى جانىنداعى ساۋات اشۋ كۋرسىن باسقاردى.
2002-2004 جىلدارى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ماگيستراتۋراسىن ۇزدىك ءبىتىردى.
2004 -2010 جىلدار ارالىعىندا وسى مەدرەسەدە ساۋات اشۋ كۋرسىن باسقاردى.
2009 –جىلدان بەرى قمدب جانىنداعى عۇلامالار كەڭەسىنىڭ مۇشەسى.
2008 -2010 جىلدار اراسىندا قۇراني كارىمدى تولىق قازاق تىلىنە اۋداردى. وسى اۋدارما حيميا عىلىمدارىنىڭ دوكتورى دياس مىرزاقوجانىڭ دەمەۋشىلىگىمەن مالايزيادا 2010 – جىلى 10000 دانامەن باسىپ شىعارىلدى.2011-جىل مامىردىڭ 7 –جۇلدىزىندا الماتى قالاسى پاراسات وتەلىندە تۇساۋكەسەرى ءوتىپ، حالىققا تەگىن تاراتىلدى.
2010- جىل ءساۋىر ايىنىڭ 29 –جۇلدىزىندا قمدب نىڭ ءتوراعاسى شەيح ءابساتتار قاجى دەربىسالى حازرەت — سارىاعاش مەدرەسەسىنىڭ ديرەكتورى — ەتىپ تاعايىندادى.
17.05.2011 جىلى «رۋحانيات»حالىقارالىق مۇسىلمان ۋنيۆەرسيتەتىنىڭ عىلىمي كەڭەسى — تەولوگيا پروفەسسورى — اكادەميالىق اتاعىن بەردى.
پىكىر قالدىرۋ