جاڭادان تاعايىندالعان ۇلتتىق ەكونوميكا ءمينيسترى تيمۋر سۇلەيمەنوۆ ماسكەۋدە جۇمىس ىستەپ جۇرگەندە ۇمىت بولعان قازاق ءتىلىن قايتا ۇيرەنۋگە ۋادە بەردى، دەپ حابارلايدى sputniknews.kz.

ۇلتتىق ەكونوميكا ءمينيسترى تيمۋر سۇلەيمەنوۆ التى اي ىشىندە قازاق ءتىلىن ۇيرەنىپ شىعۋعا ۋادە بەردى.

"ماسكەۋدە بەس جىل بويى قىزمەت ەتىپ، تۋعان ءتىلىمدى ۇمىتىپ قالدىم. ءبىراق التى اي ىشىندە ۇيرەنىپ الامىن"، — دەدى سۇلەيمەنوۆ تىلشىلەرگە سارسەنبى كۇنى ءماجىلىس وتىرىسىنان سوڭ.

ول، سونىمەن بىرگە، مينيستر ءۇشىن سالىستىرمالى تۇردە ءالى جاس ەكەندىگى تۋرالى ويىن ءبىلدىردى، بيىل تيمۋر سۇلەيمەنوۆ 39 جاسقا تولادى.

"مەن ءوزىمدى جاس دەپ سانامايمىن. ءبىراق دۇنيەجۇزىلىك دەنساۋلىق ساقتاۋ ۇيىمى جاستىقتىڭ شەگىن 50 جاسقا دەيىن كەڭەيتتى ەمەس پە. بۇلاي ەسەپتەيتىن بولساق، بۇكىل مينيسترلەر كابينەتى جاپ-جاس بولىپ شىعا كەلەدى. 22 جاسىندا ماماندىقتى يگەرگەن ازاماتتىڭ مەن سياقتى 39-عا كەلگەندە 17-18 جىل جۇمىس تاجىريبەسى بولادى، سول سەبەپتى ونداي ماماندى جاس دەپ اتاۋعا اۋزىڭ بارمايدى"، — دەدى ول.