«سلاۆيان بازارى» بايقاۋىنىڭ جەڭىمپازى ديماش قۇدايبەرگەنوۆ جۇڭگو ەلىندەگى تانىمال انشىلەر ب ا ق سىنايتىن «I am Singer» (مەن ءانشىمىن) اتتى ءان بايقاۋىنا قاتىسۋعا كەتكەن بولاتىن. وندا الەم مويىنداعان انشىلەر ونەر كورسەتەدى. ديماش ءوزىنىڭ ينستاگرام پاراقشاسىنا «ولارمەن ب ا ق سىناسىپ، قازاق اتىن شىعارۋ مەن ءۇشىن زور مارتەبە» دەپ جازدى.

ءقازىر بايقاۋدىڭ العاشقى ناتيجەلەرى شىعىپ، قازاقستاندىق ءانشى العاشقى سىننان سۇرىنبەي ءوتتى. الدا تالاي اسۋلار كۇتىپ تۇر. اسپان استى ەلىندە ونەر دوداسىنا ءتۇسىپ جاتقان ديماش قۇدايبەرگەنوۆتى جەرگىلىكتى تەلەارنا قوناق ەتكەن.

«جۇڭگو تەلەارناسىنىڭ ەڭ بەدەلدى كەشكىلىك "كۋاي لى دا ءبىن يەن" ءازىل شوۋىنا قوناقتا بولدىم. وندا بيبيگۇل تولەگەنوۆا اپامىزدىڭ "بۇلبۇل"-ىن  شىرقادىم. سونىمەن قاتار،  سەلين ديوننىڭ «All by myself» پەن  قىتايدىڭ "جاڭا كۇن" ءانىن ايتىپ بەردىم. قىتايدىڭ ەڭ تانىمال جۇرگىزۋشىلەرىنە قازاق ءتىلىن ۇيرەتتىم. ءبىر ازىلدەسىپ، ءبىر كۇلىپ، ءبىر مارقايىپ قايتتىق. بۇل باعدارلاماعا بۇعان دەيىن ديەۆيد بەكxام، بۋ ي پون، شيەن باتتيە سىندى ت.ب الەمدىك جۇلدىزدار دا قوناقتا بولعان ەكەن» دەيدى ديماش قۇدايبەرگەنوۆ.