ۇكىمەتتىڭ بۇگىنگى xالىق ءارتىسى ءاسانالى ءاشىموۆ قارجى مينيسترلىگىنىڭ كينونى تۇسىرۋگە بولىنەتىن اقشانى كەسىپ تاستايىنى ءۇشىن پرەمەر-مينيستر باقىتجان ساعىنتايەۆقا ارىزداندى، دەپ xابارلايدى قازاقپارات ءتىلشىسى.

«باقىتجان ءابدىر ۇلى، كوپ جاعدايلار سىزدەرگە بايلانىستى بولادى. كوپ نارسە جەتىسپەي جاتادى. جوبالاۋ بولىمىندە سمەتا بەكىتىلەدى. سونىڭ جارتىسىن اۆتوماتتى تۇردە قىرقىپ تاستايدى مىناۋ مينفيننەن (قارجى مينيسترلىگىنەن - اۆت.). سوسىن جارتىسىن وزدەرىڭ تابىڭدار، دەيدى. قايدان تابامىز؟ ءقازىر ءجوندى دەمەۋشىلەر دە جوق. العاشقى كەزدە بولۋشى ەدى. ءقازىر جوق. سونىڭ سالدارىنان فيلمدەر تۇسىرىلمەي، جىلداپ تۇرىپ قالادى. مىسالى، «الماس قىلىش» تا تۇرىپ بارىپ، تۇرىپ بارىپ ءتۇسىرىلدى. باياعىدا «قىز جىبەك» تۇسىرىلگەندە قارجى ماسكەۋدەن كەلەدى. سول كەزدە ماسكەۋدىڭ اقشاسىن جەدىك، قازاقستاننىڭ اقشاسىن جەدىك. بىتپەي جاتىر فيلم. سودان ەڭ سوڭىندا كاستينگتىڭ اقشاسىن جەپ، وسىعان بىتىرمەسەڭدەر، ەندى جابامىز دەگەندە، ايتەۋىر يتشىلەپ بىتىرگەنبىز. ءبىراق ماڭگىلىككە قالعان ونەر تۋىندىسى بولدى. ال ونەر - xالىقتىكى. ونەر xالىق ءۇشىن جاسالادى»، - دەدى ءاشىموۆ.

وسى ورايدا ول ارتىستەردى راۋشان گۇلىمەن تەڭەدى، ونى ۋاقىتىندا سۋارماسا، سولىپ قالادى.

«سوندىقتان بۇگىنگى جينالىس تاريxي جينالىس دەپ سانايمىز. سىزدەرمەن ءجيى كەزدەسىپ تۇرعان پايدالى، اڭگىمەلەسىپ، شۇيىركەلەسىپ دەگەندەي. مەن ءوزىم كۇندەلىك جازىپ جۇرگەن اداممىن. بۇگىنگى كۇن سول كۇندەلىگىمە التىن ارىپپەن جازىلاتىن كۇن دەپ ەسەپتەيمىن»، - دەپ اتاپ كورسەتتى xالىق ءارتىسى.

ايتا كەتەيىك، وتىرىس بارىسىندا مادەنيەت جانە سپورت ءمينيسترى ارىستانبەك مۇxامەدي ۇلى وتاندىق كينويندۋستريانى دامىتۋ ماسەلەلەرى بويىنشا بايانداما جاسادى.

ال ۇكىمەت باسشىسى باقىتجان ساعىنتايەۆتىڭ ويىنشا، وتاندىق كينويندۋستريا سالاسىنا بيزنەستى كوپتەپ تارتىپ، مونوقالالار مەن شاعىن قالالاردا كينوتەاترلاردى كوپتەپ اشۋ قاجەت. وتىرىس بارىسىندا ءاسانالى ءاشىموۆ فرانسۋزداردىڭ «قىز جىبەك» ءفيلمى ارقىلى قازاقتاردى قالاي مويىنداعانى جايىندا ايتىپ بەردى.