ۋكراينادا ءۇش ادامنىڭ دنق-سى بار بالا دۇنيەگە كەلدى دەپ حابارلايدى lenta.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى. بۇل جاعداي الەمدە ءبىرىنشى رەت بولىپ وتىر.

34 جاستاعى كەلىنشەك 15 جىل بويى قۇرساق كوتەرە الماعان. ۇلىبريتانيادا دونور ايەلدىڭ انالىق جاسۋشاسىن بالالى بولا الماعان ايەلدەرگە سالۋ تەحنولوگياسى 2000 جىلى ويلاپ تابىلعان ەكەن.

«ناتيجەسىندە تۋعان اتا-اناسى مەن دونور ايەلدىڭ دنق-سى بار بالا دۇنيەگە كەلدى، ياعني بالانىڭ ءۇش اتا-اناسى بار. ءۇش ادامنىڭ دنق-سى بار ەكەنى جۇكتىلىك كەزىندە ۋكراينا مەن گەرمانيا زەرتحانالارىندا تەكسەرۋ بارىسىندا بەلگىلى بولعان»، - دەيدى رەپرودۋكتيۆتى اۋرۋحانانىڭ ديرەكتورى ۆالەريي زۋكين.

بالانى مۇنداي جولمەن تابۋ ۋكراينادا ءالى زاڭداستىرىلماعان. سونىمەن قاتار، بۇل تاجىريبەگە ايەلدىڭ ءوزى كەلىسىم بەرەگەندىكتەن اتالمىش پروسەدۋرا تەگىن جۇرگىزىلگەن. الايدا، مۇنداي ءادىستى 37 جاستان اسقان ايەلدەرگە قولدانۋعا بولمايدى، سەبەبى بۇل جاستان كەيىن ەمبريوندار دامۋىن توقتاتادى ەكەن.