كراسنويارسكتە ەگدە ايەلدىڭ دەنەسى تۇسىنىكسىز جاعدايدا جوعالىپ كەتكەن دەپ حابارلايدى ria.ru. ادام ءمايىتحاناعا 6 جەلتوقساندا اكەلىنگەن. بىرنەشە كۇننەن كەيىن ءمايىتحانانىڭ تىركەۋ بولىمىنە 88 جاسىندا قايتىس بولعان ەگدە ايەلدىڭ تۋىستارى كەلگەندە، ءمايىتتى تاپپاعان. ءقازىر تەرگەۋ جۇمىستارى جۇرگىزىلىپ جاتىر.
سوڭعى كەزدەرى ءمايىتحانادا تۇسىنىكسىز جاعدايلار ءجيى ورىن الاتىن بولدى. ماسەلەن، چەليابينسك ءمايىتحاناسىندا قايتىس بولعان ەكى اجەيدىڭ دەنەلەرىن اۋىستىرىپ العاننان كەيىن پروكۋراتۋرا ءىستىڭ ءمان-جايىن تەكسەرە باستادى.
8 قاڭتاردا چەليابينسكىدە 78 جاستاعى جانە 91 جاستاعى ەگدە ايەلدەر كوز جۇمدى. ولاردىڭ ءبىرىن تۋىستارى جەرلەگەن. ەكىنشى ايەلدىڭ دەنەسىن الىپ كەتۋگە كەلگەن تۋىستارى ءمايىتحاناداعى ادام ولاردىڭ اجەسى ەمەس ەكەنىن ايتقان. قايتىس بولعانداردىڭ دەنەلەرىن ءمايىتحانا قىزمەتكەرلەرى شاتاسىپ اۋىستىرىپ جىبەرگەنى بەلگىلى بولدى. جەر قوينىنا تاپسىرىلعان اجەيدى تۋعاندارى قايتا جەرلەۋدى تالاپ ەتىپ وتىر. ەگدە ايەلدىڭ تۋىستارى باسقا ادامدى جەرلەپ جاتقانىن بايقاماعان.
پىكىر قالدىرۋ