الماتى-2 تەمىر جول ۆوكزالىندا جولاۋشىلار ۆاگونى ورتەندى، دەپ حابارلايدى «قامشى» پورتالى قالالىق ءتجد-نىڭ رەسمي وكىلى ساندۋعاش بايمۇحامبەتوۆانىڭ سوزدەرىنە سىلتەمە جاساي وتىرىپ.

«19 قاڭتاردا ساعات 08:40-تا 101 پۋلتىنە الماتى قالاسى جەتىسۋ اۋدانى «ابىلاي حان كوشەسى، 1» مەكەنجايىندا ورنالاسقان «الماتى-2» تەمىر جول ۆوكزالى ستانساسىندا زاپاستاعى جولدا رەتتەۋ ءۇشىن قويىلعان جولاۋشىلار ۆاگونىنان ءورت شىققانى تۋرالى حابار ءتۇستى. العاشقى ءورت ءسوندىرۋ قىزمەتى وقيعا ورنىنا ساعات 08-51-دە جەتتى. وزگە ۆاگونداردان اعىتىلىپ، جەكە تۇرعان ۆاگوننىڭ قاتتى تۇتىندەپ جاتقانى بايقالدى. ءورت سوندىرۋشىلەر ۆاگوندا ادام قالىپ قويماعانىن انىقتاپ شىقتى. ءورت 08:56-دا اۋىزدىقتالىپ، 9:10-دا تولىعىمەن ءسوندىرىلدى. ءورت اۋماعى 20 شارشى مەتر»، - دەدى تجد-نىڭ رەسمي وكىلى. ورتتەن جاپا شەككەندەر جوق. ءورتتىڭ شىعۋ سەبەبى قاراۋسىز قالعان ۆاگون پەشىندەگى شوق بولۋى ىقتيمال دەگەن بولجام جاسالدى.