ءماجىلىس دەپۋتاتى امانجان جامالوۆقا قاتىستى ورتالىق سايلاۋ كوميسسياسى تەكسەرۋ جۇرگىزەدى دەپ حابارلايدى 31.kz. تەكسەرىس ناتيجەسى 24 قاڭتاردا بەلگىلى بولماق. تىركەۋگە كەلىپ قايتىس بولعان الماتىلىق ازامات تۋرالى ايتقان پىكىرى قوعامنىڭ جاپپاي نارازىلىعىن تۋدىرعان. ءبىراق تەكسەرۋگە دەپۋتات جامالوۆتىڭ يەلىگىندەگى ءبىر سەرىكتەستىك پەن "گاۋھار" اتتى لومبارد سەبەپ بولعان.
جامالوۆتىڭ اتىنداعى سەرىكتەستىك ۇزاق ۋاقىت مەملەكەتكە سالىق تولەمەگەن ەكەن. ال دەپۋتاتتىڭ لومباردى سالىق تولەۋدى كەشىكتىرمەگەن. الايدا ەلىمىزدەگى زاڭ نورماسى بويىنشا دەپۋتات مەنشىگىندە ەشقانداي مۇلىك بولماۋ كەرەك. تىركەۋگە كەلىپ قايتىس بولعان ازاماتقا قاتىستى پىكىرىنەن كەيىن ەل نازارىنا ىلىككەن دەپۋتات ارتىنشا كەشىرىم سۇرادى.
پىكىر قالدىرۋ