نيۋ-يوركتە اقش پرەزيدەنت سايلاۋىندا جەڭىسكە جەتكەن دونالد ترامپقا قارسى ميتينگ بولدى دەپ حابارلايدى ria.ru. وعان قالا مەرى بيلل دە بلازيو، گولليۆۋدتىق جۇلدىزدار -  روبەرت دە نيرو، مارك رۋففالو، الەكس بولدۋين، رەجيسسەر مايكل مۋر، ءانشى شەر قاتىستى. مىڭعا تارتا ادام بولدى. قارسىلىق شەرۋى جاڭا پرەزيدەنتتىڭ يناۋگۋراسياسىنا ءبىر كۇن قالعاندا ءوتتى.

ولار رەسپۋبليكالىقتىڭ  Trump Tower شتاب پاتەرىنە جاقىن جەردە جينالدى.

ترامپتىڭ قارسىلاستارى يناۋگۋراسيانى بولدىرماۋ ءۇشىن جاپپاي قارسىلىق شەرۋلەرىن ۇيىمداستىرماق.

روبەرت دە نيرو ميتينگتەگى سوزىندە ترامپتىڭ ەل ءۇشىن ناشار ۇلگى ەكەنىن ايتتى.

ساحنادان «ءبىز قارسىلىق تانىتامىز. سەبەبى ماسەلە ءبىز ءۇشىن ەڭ قىمبات تۇسىنىكتەر جايىندا» دەگەن سوزدەر ەستىلدى.

​اكسيا WeStandUnited ("ءبىز بىرگەمىز") ۇرانىمەن ءوتتى. ول الەۋمەتتىك جەلىلەردە دە تارالۋدا. شەرۋگە قاتىسۋشىلار ترامپتى ناسىلدىك كەمسىتۋشىلىك، ءدىني الاۋىزدىق، يمميگرانتتاردىڭ قۇقىعىن قورعاپ، مەديسينالىق ساقتاندىرۋ باعدارلاماسىنىڭ قولجەتىمدىلىگى جانە كليماتتى وزگەرتۋگە كۇرەستى قولداۋمەن كەلىسۋىن قاتاڭ سىنعا الىپ وتىر.

ءانشى شەر بولاشاق پرەزيدەنتتى الەمدى وزگەرتەتىن، وز-وزىنە عاشىق جان دەپ اتادى.

​رەسپۋبليكالىق دونالد ترامپ وتكەن جىلدىڭ قاراشا ايىندا پرەزيدەنتتىك سايلاۋدا جەڭىسكە جەتتى. وسىدان كەيىن اقش-تىڭ ءىرى قالالارىندا مىڭداعان قارسىلاستارى ميتينگىگە شىقتى. شەرۋدىڭ نەگىزگى وشاقتارى – نيۋ-يورك، اتلانتا، پورتلەند، سان-ديەگو كاليفورنيا شتاتىنداعى جانە ميچيگان شتاتىنداعى رويال واك.

نيۋ-يوركتەگى شەرۋگە قاتىسۋشىلاردىڭ سانى سارسەنبى كۇنى كەشكىسىن مىڭداعان ادامعا كوبەيدى. بۇعان دەيىن قارسىلىق اكسياسىندا 400-دەن استام ادام بار دەپ حابارلانعان.

نيۋ-يوركتاعى اكسياعا قاتىسۋشىلار مانحەتتەن ورتالىعىنا شىقتى. ول جەردەن سايلانعان پرەزيدەنتتىڭ تۇراتىن Trump Tower-گە قاراي ءجۇردى. دەمونسترانتتار «ءبىزدىڭ پرەزيدەنت ەمەس!» دەپ ۇرانداتتى.

كاليفورنيا شتاتىنداعى وكلەند جانە بەركلي قالالارىنداعى رەسپۋبليكالىقتىڭ قارسىلاستارى ترامپتى جاڭا پرەزيدەنت رەتىندە قابىلداۋدان باس تارتتى. كوشەگە شىقتى. وعان 200 ادام قاتىستى.