رەسەيلىك بلوگەر يگور بەگدان رەسەي فەدەراسياسىنداعى ەكونوميكالىق جاعدايعا بايلانىستى ءوز ويىن جەتكىزدى دەپ حابارلايدى inforesist.org، ماقالانىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

"كۋدريننىڭ جوسپارىندا ەڭ العاش باتىسپەن دوستىق كەلىسىم جاسالۋى كەرەك دەپ كورسەتىلگەن. كەيىننەن ەلدىڭ ەكونوميكاسى ءۇشىن ارزان نەسيەگە كوشۋگە بولادى. قاتاڭ قارجىلىق ساياسات! اسكەريلەرگە قارجى از بەرىلەدى، زەينەتكەرلەر جاسىنىڭ ۇلعايۋىنا بايلانىستى ولارعا دا قارجى از مولشەردە بولىنەدى. الايدا، ءىرى كاسىپكەرلەرگە قاۋىپسىزدىك قامتاماسىز ەتىلگەن.

«2019 جىلعا قاراي جالپى ىشكى ءونىم 3%-عا ارتسا، 2035 جىلى ەكى ەسە وسەدى»، - دەپ كۋدرين نانىمدى تۇردە ۋادە ەتتى. ول – پۋتينگە وتە سەنىمدى داۋىسپەن ءبىر نارسەگە ۋادە بەرگەن ادامداردىڭ ەڭ ءبىرىنشىسى.

ەگەر كۋدرين مەملەكەتتى باسقارۋعا كوشەتىن بولسا، مەدۆەديەۆتى قايدا جىبەرۋى مۇمكىن؟ - دەگەن سۇراق تۋىندايدى. سونىمەن قاتار باتىسپەن قالاي دوستاسۋعا بولادى؟ بۇل سۇراقتارعا جاۋاپ تابىلماسا، كۋدريننىڭ جوسپارى تۇككە دە تۇرمايدى.

يمپەريالىق كونسەرۆاتورلار سوڭعى ءۇش جىلدا ۇلكەن ساتسىزدىككە ۇشىرادى. ىشكى ساياسات پەن ەكونوميكادا كوپتەگەن شيەلەنىسكەن ماسەلەلەر تۋىندادى. كىشىگىرىم عانا سوعىستار ۇلكەن قاۋىپكە اينالدى. ەكونوميكا قۇردىمعا كەتىپ بارا جاتىر. قاراپايىم حالىق كەدەيلەنە باستادى. جوعارعى ساناتتاعى ادامدار باقىتتى شاعىمىزدى قايتارىڭدار دەپ دابىل قاعۋدا. قامالىپ وتىرۋ ءۇشىن تالماي ەڭبەك ەتكەن جوقپىز دەيدى.

بار ءۇمىت ءقازىر ترامپتا. رەسەيلىك بيلىكتىڭ اۋىزىنا قۇم قۇيىلدى.

رەسەيدى قايتادان قالپىنا كەلتىرۋ ءۇشىن ترامپ ءوزىنىڭ شارتتارىن ايتۋى قاجەت.

كەيىن بىردەن الاڭعا كۋدريندى جىبەرۋ كەرەك. سول كەزدە رەسەي قايتادان باياعى قاوپىنا ءتۇسىپ، كۇشىنە ەنە باستايدى. وتە قورقىنىشتى ءتۇس سەكىلدى ءوتىپ كەتەدى.

رەسەيلىك بيلىكتىڭ ويى وسىنداي.

الايدا، ەڭ باستى كەدەرگى – كرىمناش. ونى اينالىپ تا، باسىپ تا وتە المايدى..."

اۋدارعان: نازەركە لابيحان