700-گە جۋىق جەزوكشەلىكپەن اينالىساتىن ايەلدەر جاۋاپكەرشىلىككە تارتىلدى دەپ حابارلايدى Tengrinews.kz ءتىلشىسى.

3ء-ى مەن 20 قاڭتارعا دەيىن جەڭىل جۇرىسپەن اينالىساتىن 677 قىزدى جاۋاپكەرشىلىككە تارتتى. تەكسەرۋ بارىسىندا انىقتالعانداي بارلىعى 858 جەزوكشە ىشكى ىستەر ورگاندارىنا تاپسىرىلدى.

«تۇركسىب اۋدانىنىڭ ءىىب-نا ءبىر تاۋلىكتىڭ ىشىندە 160 ادام تاپسىرىلدى، ونىڭ 91ء-ى جەڭىل جۇرىسپەن اينالىساتىن قىزدار. ۋچاسكەلىك پوليسيا ءۇي-ۇيدى ارالاۋ بارىسىندا انىقتالعانداي، سەيفۋللين كوشەسىنىڭ 55ء-شى جانە ۋساچيەۆ كوشەسىنىڭ 4ء-شى ۇيلەرىنىڭ ءبىر تاۋلىككە جالعا بەرىلەتىن پاتەرلەرى جەڭگەتايلىق پەن جەزوكشەلىكپەن اينالىسىپ كەلگەن. ونىڭ ۇستىنە تۇرعىن ۇيلەردى جالعا بەرۋشىلەر بۇعان دەيىن قر-سىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 450-بابى بويىنشا اكىمشىلىك جاۋاپكەرشىلىككە تارتىلعان بولاتىن»، – دەپ مالىمدەدى الماتى قالاسىنىڭ ءىىد اكىمشىلىك پوليسيا باسقارماسى باستىعىنىڭ ورىنباسارى جاندوس مۇراتالييەۆ.

سونىمەن قوسا، ءىىد مالىمەتىنشە، جەزوكشەلىكپەن اينالىسۋ ءۇشىن بەرىلگەن كەلەسى پاتەرلەر مەن قوناق ۇيلەردىڭ يەلەرى دە جاۋاپكەرشىلىككە تارتىلدى:

1. كلارا سەتكين كوشەسى، 4؛
2. ستاسيوننايا كوشەسى، «ناتالي» قوناق ءۇيى،11؛
3. سەيفۋللين داڭعىلى، 43، «نۇر» قوناق ءۇيى؛
4. دۋلاتوۆ كوشەسى، 17، اتى جوق قوناق ءۇي؛
5. «الي» قوناق ءۇيى؛
6. زورگە كوشەسى، 8ا، 11 پاتەر؛
7. سەيفۋللين داڭعىلى، 13، 6 پاتەر؛
8. كۋنگارسكايا كوشەسى،2، 5 پاتەر.