الماتىدا جانسىز دەنەسى تابىلعان 11 جاستاعى بالانى ءولتىردى دەگەن كۇدىكپەن وگەي شەشەسى ۇستالدى. بۇل تۋرالى Tengrinews.kz حابارلايدى.

"2005 جىلعى ازامات ۇلى وڭعاردى ۇرلاۋ جانە ءولتىرۋدى ۇيىمداستىردى دەگەن كۇدىكپەن ونىڭ وگەي شەشەسى - 1980 جىلعى ازاماتشا ا. ۇستالدى"، - دەلىنگەن ءىىد حابارلاماسىندا.

پوليسەيلەردىڭ ايتۋىنشا، ازامات ۇلى وركەننىڭ دەنەسى وتكەن تۇندە ناۋرىزباي اۋدانىنداعى ساياجايلاردىڭ ءبىرىنىڭ جەرتولەسىنەن تابىلعان. بۇل ءۇيدى ونىڭ وگەي شەشەسى جالعا العان. الدىن الا مالىمەت بويىنشا، بالانى قىلعىندىرىپ ولتىرگەن، سونداي-اق، وعان كوپتەگەن دەنە جاراقاتىن سالعان. اسا اۋىر قىلمىستىڭ ءىزىن جاسىرۋ ءۇشىن كۇدىكتىلەر ونىڭ دەنەسى جالعا العان ءۇيدىڭ جەرتولەسىندە كومىپ تاستاعان.

"جەدەل-ىزدەستىرۋ شارالارىنىڭ بارىسىندا وگەي شەشەسىمەن بىرگە ءتورت ادام ۇستالدى. ولار بالانى ۇرلاپ، ولتىرگەن دەگەن كۇدىكپەن ۇستالعان. ولار الماتىدان شىعىپ كەتپەك بولعان، ءبىراق مۇنى جۇزەگە اسىرا المادى. المالى اۋداندىق ءىىب قىزمەتكەرلەرى بالانىڭ ءولىم سەبەبىن انىقتاۋ ماقساتىندا سوت-مەديسينالىق ساراپتاما تاعايىندادى. ۇستالعاندار قاماۋعا الىندى. تەرگەۋ جالعاسىپ جاتىر"، - دەپ حابارلادى پوليسەيلەر.

ەسكە سالايىق، 11 جاستاعى وركەن ازامات ۇلى بۇگىن ءولى تابىلعانەدى. "پوليسەيلەر بۇگىن تۇستە حابارلاسىپ، وركەننىڭ دەنەسىن تاپقانىن ايتتى. بالانىڭ نەدەن ولگەنىن ولار ءالى ايتپادى. ونى تانۋ باردىق، بۇل ءبىزدىڭ وركەن"، - دەپ مالىمدەدى وقۋشىنىڭ اعاسى نۇربەك.

ازامات ۇلى وركەن تۇستە ساباقتان قايتىپ كەلە جاتقان ۋاقىتتا جوعالىپ كەتكەن. سوڭعى رەت ونى سىنىپتاستارى كورگەن ەكەن. ولاردىڭ ايتۋىنشا، وركەن ساعات 13.30 بەن 14.00 ارالىعىندا ساباقتان شىعىپ، شيەۆچەنكو مەن روزىباكييەۆ كوشەلەرىنىڭ قيىلىسىنداعى ايالدامادا تۇرعان. كەيىننەن ول № 135 اۆتوبۋسقا ءمىنىپ، ءۇي جاعىنا قاراي كەتكەن. سودان كەيىن ونى ەشكىم كورمەگەن.