قوعام قايراتكەرى پەتر سۆويك aktobetimes.kz تىلشىسىنە زەينەتاقى جۇيەسى جونىندە سۇحبات بەردى. قوعام كوكەيىندە زەينەتاقى قارجىسى جونىندە ساۋالدار كوپ بولعاندىقتان، سۇحباتتى اۋدارىپ باسۋدى ءجون كوردىك.

“زەينەتاقى جارناسىنا قايىرىمدىلىق سەكىلدى قارايدى» دەيدى قوعام قايراتكەرى.

«زەينەتكەرلىك جۇيەسى شاتاسىپ كەتكەنى سونشالىق، ەشكىم تۇسىنە المايتىن شىعار» دەپ ازىلدەدى پەتر سۆويك.

«ەڭ قىزىعى بىرنەشە جىل بۇرىن شۋمەن  «ءبىرىڭعاي زەتينەتاقى قورىن» قۇرىپ ەدى، ەندى قايتا جەكە قولعا بەرمەك. ياعني بىردەڭەنى قورلاعىسى كەلسە، زەينەتاقىنى نىسانعا الادى.

سوندىقتان مەننەن كەڭەس، زەينەتاقى قورلارىنا قايىرىمدىلىق رەتىندە قاراڭدار. كىمدە-كىم رەسمي تۇردە جۇمىس ىستەسە ودان سۇراماستان جالاقىسىنىڭ 10% الىپ وتىرادى. بۇل بيلىكتىڭ كەدەيلىگى مەن وليگارحتارعا بەرىلەتىن سالىم دەپ ەسەپتەڭىزدەر. ناتيجەسىندە زەينەت جاسى جاقىنداپ قالعاندارعا قانشا تولەيدى دەيسىزدەر؟ ولاردان كاسىبي ومىرىندە تارتىپ الىنعانىنان از تولەيتىنىن انىق. بۇرىنعى جالاقاسىنىڭ 10% ەمەس، 9%، 8% الادى. ال جاستارعا زەينەتاقى تۋرالى مۇلدە ويلاماسا دا بولادى. ولار زەينەت جاسىنا كەلگەندە مۇلدە باسقا جۇيە جۇمىس ىستەيدى. بۇعان فيلوسوفيالىق تۇرعىدان قاراۋ كەرەك. سەبەبى سىزدەر كەدەي ادامدارعا ساداقا بەرەسىزدەر، مەيرامحانالاردا شايپۇل قالدىراسىزدار.  

ءسىزدىڭ ويىڭىزشا، زەينەتاقى جۇيەسى نە ءۇشىن قاجەت بولدى؟

شىن مانىسىندە، زەينەتاقى جۇيەسىنىڭ زەينەتاقىعا ەشقانداي قاتىسى جوق. 1998 جىلى ونى قۇرعاندا ورتاق جۇيەنىڭ ورنىن باسادى دەپ ويلاستىرىلعان. الايدا ورتاق جۇيە قالاي بولدى، سولاي قالدى. ەشتەڭە وزگەرمەدى. كەز-كەلگەن زەينەتكە شىققان قازاقستاندىق وتە از زەينەتاقى الادى. بيلىك حالىقتىڭ نارازىلىعىنان قاۋىپتەنىپ، قانداي دا بولماسىن اقشا تولەۋگە تىرىسادى.

زەينەتاقى قارجىسى وزدىگىنەن جوق بولىپ كەتۋى مۇمكىن ەمەس پە؟

زاڭدا زەينەتكە شىققان ادامعا ينفلياسيانىڭ ورنى تولتىرىلادى دەپ كورسەتىلگەن. ناعىز ينفلياسيا باعانىڭ وسۋىنەن تومەن ەكەنى بەلگىلى. ءبىراق ماردىمسىز اقشا بولسا دا تولەيدى.  

ياعني جاستار قازىردەن باستاپ قارتايعان شاعىندا دارىگە زەينەتاقىسى جەتپەيتىندىگى تۋرالى ويلانۋى كەرەك پە؟

مەن 10 جىل بويى زەينەتاقىعا ءومىر ءسۇرىپ كەلەمىن. ول كولىگىمە ەكى رەت جانارماي  قۇيۋعا عانا جەتەدى، بولدى. قوعامدىق جۇمىستار، تاريف پەن ەنەرگەتيكا جونىندە كەڭەس بەرۋ ارقىلى كۇن كورىپ ءجۇرمىن. جاستارعا ايتار اقىلىم – دۇنيەگە بالا الىپ كەلىپ، وقىتىڭدار. بۇل زەينەتاقى قورىنا قارجى قۇيۋدان سەنىمدىرەك.