يراننىڭ جوعارعى سوتى ميللياردەر باباك زاندجانيگە بەلگىلەنگەن ءولىم جازاسىنىڭ زاڭدىلىعىن راستادى. بۇل تۋرالى سوت ءتوراعاسى باسپا ءسوز كونفەرەنسياسىندا ايتتى، - دەپ حابارلايدى tengrinews.kz.
سوت ءتوراعاسى ميللياردەردىڭ ءولىم جازاسى ورىندالاتىنىن راستادى. ءبىراق ءولىم جازاسىنىڭ قاشان ورىندالاتىنى ايتىلمايدى.
ەسكە سالا كەتەيىك، Sorinet Grou كورپوراسياسىنىڭ باسشىسى 2013 جىلدىڭ سوڭىندا ۇستالعان بولاتىن. ول 14 ميلليارد دوللار جىمقىرعان دەلىنەدى.
سونداي-اق، يراننىڭ ۇلتتىق مۇناي كومپانياسى وعان ەكى ميلليارد دوللارعا مۇناي ساتۋدى تاپسىرعانى ايتىلادى. الايدا ميللياردەر ول اقشانى جاراتىپ قويعان دەلىنەدى. وسىلايشا 2016 جىلدىڭ ناۋرىز ايىندا سوتتىڭ شەشىمىمەن باباك زاندجاني ءولىم جازاسىنا كەسىلگەن.
