بريتاندىق باسپاسوزدەردە ءشارىپوۆانىڭ تەك قانا كاسىبي ماشىقتارىن عانا ەمەس، سونىمەن قوسا، قازاقستان بوكسشىسىنىڭ سىمباتىن دا جارىسا جازۋدا، دەپ حابارلايدى Prosports.kz.
«قازاقستاننىڭ ەڭ سىمباتتى سپورتشىسى» اتانعان فيرۋزا ءشارىپوۆا كاسىپقوي بوكستا ءوزىنىڭ ءىزىن قالدىرماقشى. جانە تاڭداۋ ءدال وسى قىزعا تۇسكەنىنە ەشكىم كۇمان كەلتىرمەيدى. بوراتتى ۇمىتا بەرسەك بولادى، قازاقستاندا ودان دا جاقسىسى بار – فيرۋزا ءشارىپوۆانىڭ ءپىشىنى. 22 جاستاعى قىز بوكسەرلىك قىرىنان عانا ەمەس، سىمباتىمەن دە تاڭ قالدىرۋدا»، – دەپ جازادى The Sun.
The Sun ءشارىپوۆا بۇرىنعى بوكسشى دەنيس رىباكوۆتىڭ جۇبايى ەكەنىن دە ايتىپ ءوتىپتى. جانە ول ءۇشىن ەڭ باستىسى – سپورتتاعى مانسابى جانە قازاقستان كاسىپقويلارى اراسىنان الەمنىڭ ءبىرىنشى چەمپيونى اتانۋ.
«ءشارىپوۆا بوكسقا بەت بۇرماي تۇرىپ، سۋداعى پولو مەن ۆەلوسپورتپەن اينالىسقان دەپ جاتادى. كوپتەگەن ادامدار ونىڭ مودەلدىك مانساپپەن بىرگە سپورتتى الىپ جۇرە الاتىنىنا سەنىمدى. ول اۋەسقويلار اراسىندا قازاقستان چەمپيوناتىن بىرنەشە رەت جەڭىپ الدى جانە ازيا بىرىنشىلىگىنىڭ جەڭىمپازى اتاندى»، – دەپ جازادى بريتاندىق باسىلىم.
ءشارىپوۆانىڭ سوزىنشە العاشقى رەت مانسابىن باستاعاندا، ول مۇنداي قۇرمەتكە يە بولامىن دەپ ويلاماعان ەكەن.
«مەن بۇل تۋرالى دايىندىقتان كەلگەن سوڭ ءبىلدىم. شىنىمدى ايتسام، بۇلاي بولادى دەپ ويلامادىم. مەنىڭ باستى ماقساتىم – قازاقستاننىڭ كاسىپقوي بوكسىنان ءبىرىنشى چەمپيونى اتانۋ.
22 جاستاعى ءشارىپوۆا تارازدا تۋىلعان. كاسىبي رينگكە بوكسشى قىز ءۇش رەت شىقتى. ءبىرىنشى جەكپە-جەگىندە ول 2012 جىلعى وليمپيادا ويىندارىنىڭ كۇمىس جۇلدەگەرى رەسەيلىك سوفيا وچيگاۆادان جەڭىلىپ قالادى، كەيىننەن ەكى بىردەي جەڭىسكە قول جەتكىزەدى: يتالياندىق انجەلو كانەسارو جانە سەربيالىق ميلەنا ماتوۆيچ.
وسى جىلى كۇزدە ءشارىپوۆا دارەجە ءۇشىن جەكپە-جەككە قاتىسادى. الداعى بولاتىن جەكپە-جەككە سپورتشى قىز ءقازىر ماسكەۋدە دايىندالىپ جاتىر.
