ەلوردادا ءوتىپ جاتقان سيريالىق رەتتەۋ جونىندەگى حالىقارالىق كەزدەسۋدىڭ (استانا پروسەسى) ەكىنشى كۇنگى كەزدەسۋىن تۇسكى 14.00-دە اياقتاۋ جوسپارلانعان. تاراپتار ساعات 14.00-دە استانا پروسەسىنىڭ ناتيجەلەرىن جاريا ەتۋ ءۇشىن قورىتىندى باسپا ءسوز ءماسليحاتىنا شىعادى دەپ كۇتىلۋدە. قابىلداۋشى تاراپ كەلىسسوزدەرگە قاتىسۋشى بارلىق دەلەگاسيا وكىلدەرىنە باسپا ءسوز ءماسليحاتى وتكىزىلەتىن ارنايى زال دايىنداپ قويعان.

ق ر سىرتقى ىستەر مينيسترلىگىنىڭ وكىلى ب ا ق الدىنا كىمنىڭ شىعاتىندىعىن ءدوپ باسىپ ايتا الار ەمەس. دەگەنمەن، جۋرناليستەرگە ارنالعان بريفينگتى بۇۇ باس حاتشىسىنىڭ سيريا جونىندەگى ارناۋلى ەلشىسى ستاففان دە ميستۋرا وتكىزۋى مۇمكىن.

ايتا كەتەيىك، ەلورداداعى «ريكسوس» قوناق ۇيىندە وتكەن سيريا جانجالىن رەتتەۋ جونىندەگى حالىقارالىق كەزدەسۋدىڭ العاشقى كۇنگى وتىرىسىنا  سيريانىڭ ۇكىمەتتىك دەلەگاسياسىنان بۇۇ جانىنداعى وسى ەلدىڭ تۇراقتى وكىلى باسار ال-دجافاري، شامامەن 15 وپپوزيسيالىق توپتىڭ وكىلى، رف پرەزيدەنتىنىڭ سيريالىق رەتتەۋ ماسەلەلەرى جونىندەگى ارناۋلى وكىلى الەكساندر لاۆرەنتيەۆ، تۇركيا  سىرتقى ىستەر ءمينيسترنىڭ ورىنباسارى سەدات ونال يران يسلام رەسپۋبليكاسى سىرتقى ىستەر ءمينيسترىنىڭ ورىنباسارى سادەك حۋسەين دجابەري انساري، بۇۇ باس حاتشىسىنىڭ سيريا جونىندەگى ارناۋلى وكىلى ستاففان دە ميستۋرا مەن قازاقستانداعى اقش ەلشىسى دجورد كرول قاتىسقان بولاتىن.