كۋۆەيتتە كومەديالىق باعدارلامانىڭ جۇرگىزۋشىسى تىكەلەي ەفيردە قوناعىنىڭ ۇستىنە بەنزين شاشىپ، ورتەدى. بۇل تۋرالى tengrinews.kz حابارلادى.
كۋۆەيتتىڭ بەلگىلى جۇرگىزۋشىسى دجاسەم رادجاب (Jassem Rajab) شوۋ باسىندا ونى "ينستاگرامداعى ەڭ قىرسىق ادام" دەپ اتاپ، سىناققا قاتىسۋىن سۇرايدى. قوناقتىڭ ۇستىنە بەنزين شاشىلىپ، كەيىن وت قويىلادى. ابىروي بولعاندا ءتۇسىرىلىم توبى ەر ادامدى دەرەۋ سوندىرەدى. YouTube حوستينگىنە جۇكتەلگەن ۆيدەودا كورەرمەنگە بۇل ارەكەتتى قايتالاماۋ ەسكەرتىلەدى. سونداي-اق، بارلىق ساقتىق شارالارىنىڭ جاسالعانى ايتىلادى.
ال جۇرگىزۋشى رادجاب "قوناق اۋىرسىنۋدى سەزبەدى، ونىڭ دەنەسى ارنايى قورعانىش قاباتىمەن قاپتالدى" دەپ مالىمەدى. ال جەلى قولدانۋشىلارى ونىڭ بۇل ارەكەتىن تىم ءقاۋىپتى دەپ ەسەپتەپ، سوگىپ جاتىر.
