ورتالىق سايلاۋ كوميسسياسى ءماجىلىس دەپۋتاتى امانجان جامالوۆقا قاتىستى تەكسەرىستىڭ قورىتىندىسى بويىنشا شەشىم شىعاردى، - دەپ حابارلايدى Tengrinews.kz ۆەدومستۆو باسپا ءسوز قىزمەتىنە سىلتەمە جاساپ.
ەسكە سالايىق، 18 قاڭتاردا ق ر ورتالىق سايلاۋ كوميسسياسىنىڭ وتىرىسىندا 17 قاڭتاردا 365info.kz ينتەرنەت-پورتالىندا جاريالانعان "تابىستى" دەپۋتات جامالوۆ قازاقستان پارلامەنتىنەن كەتۋى مۇمكىن" ماقالاسىندا باياندالعان فاكتىلەر بويىنشا تەكسەرۋ تاعايىندالعان بولاتىن.
پورتال ماتەريالىندا جامالوۆتىڭ ەكى ج ش س قۇرىلتايشىسى ەكەنى جانە جامالوۆتىڭ كونستيتۋسيالىق زاڭ بويىنشا بۇل ءۇشىن ماجىلىسمەننىڭ بوساتىلۋى كەرەك ەكەنى حابارلانعان.
"كوميسسيا مۇشەلەرى تەكسەرۋدى تولىق كولەمدە جۇزەگە اسىردى. ءبىرىنشى دەرەككوزدەردەن الىنعان اقپارات دەپۋتات ا.م. جامالوۆتىڭ ءوز مۇلكىن سەنىمگەرلىك باسقارۋعا بەرۋگە قاتىستى زاڭنامادا بەلگىلەنگەن ءىس-قيمىلداردى ۋاقتىلى جانە زاڭناماعا سايكەس جۇرگىزگەنىن راستادى"، - دەلىنگەن حابارلامادا.
وسىلايشا، ۇسىنىلعان راستاۋشى قۇجاتتارعا جانە قازاقستاندىق زاڭنامانىڭ كاسىپكەرلىك جانە دەپۋتاتتىق قىزمەتتىڭ ۇيلەسپەۋشىلىگى تۋرالى نورمالارىنا سۇيەنە وتىرىپ، ورتسايلاۋكوم قازاقستان رەسپۋبليكاسى پارلامەنتى ءماجىلىسىنىڭ دەپۋتاتى امانجان جامالوۆتىڭ ق ر كونستيتۋسياسىنىڭ 52-بابى 3-تارماعىنىڭ تالاپتارىن بۇزباعان دەگەن قورىتىندىعا كەلدى.
وسىلاي دەي كەلە، وسك وكىلدەرى كونستيتۋسيانىڭ 52-بابى دەپۋتاتتىڭ كاسىپكەرلىك قىزمەتتى جۇزەگە اسىرۋىنا تىيىم سالاتىنىن ەسكە سالدى. وسى تالاپتى بۇزعان جاعدايدا، دەپۋتاتقا جازالاۋ شارالارىن قولدانۋمەن بايلانىستى ماسەلەلەردى دايىنداۋ ق ر ورتالىق سايلاۋ كوميسسياسىنا جۇكتەلەدى.
ەسكە سالايىق، ءماجىلىس دەپۋتاتى حقكو-دا كوز جۇمعان ەر ادام جايلى "ول ۇيىندە دە قايتىس بولۋى مۇمكىن ەدى" دەگەن پىكىرىنەن كەيىن الەۋمەتتىك جەلىلەردە قىزۋ تالقىلانا باستاعان ەدى. وسىدان سوڭ "مەن ادامنىڭ كەز كەلگەن جەردە قايتىس بولۋى مۇمكىن ەكەنىن ايتقىم كەلدى، ال مەنى جوق جەردەن جالماۋىزعا اينالدىردى"، - دەگەن ول سوڭىندا مارقۇمنىڭ تۋىستارىنان كەشىرىم سۇراعان بولاتىن.
