اق ءۇي سايتىنىڭ پەتيسيا جاريالاناتىن بولىمىندە ازاماتتىق ءمۇسىنىن قيراتۋ جونىندە ۇسىنىس پايدا بولدى دەپ حابارلايدى qamshy.kz. پەتيسيا اۆتورى ءمۇسىن اقش-تى يمميگرانتتاردى قابىلداۋعا دايىن، قۇشاعى اشىق مەملەكەت رەتىندە كورسەتەدى دەيدى.

ازاتتىق ءمۇسىنى ادەمى كورىنگەنمەن، ول وتكەن شاقتىڭ سيمۆولى. بۇرىندى ءبىزدىڭ مەملەكەت يمميگرانتتاردى قارسى الۋعا قارسى ەمەس بولاتىن. بۇگىندە ولاي ەمەس. مۇندا تۇسىنبەيتىن دانەڭە جوق. – دەلىنگەن تەكستتە.

مونۋمەنتتە ەمما لازارۋستىڭ «جاڭا كولوسس» سونەتىنىڭ ءۇزىندىسى كەلتىرىلگەن. ونداعى مازمۇن اقش-تىڭ جاڭا ساياساتىنا سايكەس كەلمەيدى دەيدى اۆتور.

 «ەركىن تىنىستاعىسى كەلگەندەردى جەل قۋىپ ماعان جىبەرىڭدەر» دەگەن سەزىمدى 150 جىل اقش سەزىنگەن شىعار. قازىرگى تاڭدا بىزگە بارىنە قۇشاعىن ايقارا اشقان ازاتتىق ءمۇسىنى ەمەس، يمميگرانتتاردان قورعايتىن قابىرعا كەرەك دەيدى پەتيسيا ۇيىمداستىرۋشىسى.

21 قاڭتار كۇنى جاريالانعان پەتيسياعا بۇگىندە قول قويعانداردىڭ سانى ازىرگە ءۇش ادام. پەتيسيا وسى جىلدىڭ 20 اقپانىنا دەيىن 99 997 قول جيناماسا، اتالمىش پەتيسيا قۇر جاي ۇسىنىس رەتىندە قالادى.