قازاقستان پرەزيدەنتى كەشە، 25 قاڭتار كۇنى ق ر بيلىك تارماقتارىن قايتا ءبولۋ تۋراسىندا مەملەكەتتىك تەلەارنالاردان حالىققا ۇندەۋىن حابارلادى. سوعان ساي، قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى جوبا جاريالاندى. جوبا ءبىر اي بويى تالقىلانباق.

1995 جىلى 30 تامىزدا رەسپۋبليكالىق رەفەرەندۋمدا قابىلدانعان قازاقستان رەسپۋبليكاسىنىڭ كونستيتۋسياسىنا ەنگىزىلۋگە ءتيىستى وزگەرىسكە زاڭگەر ماقسات ءىلياس ۇلى دا ءوز ۇسىنىسىن جاريالادى:

كونستيتۋسياعا مىنانداي وزگەرىس ۇسىنامىن

بيلىك ۇسىنعان زاڭ جوباسى:

26-باپتىڭ 1 جانە 2-تارماقتارى مىناداي رەداكسيادا جازىلسىن: «1. اركiم زاڭدى تۇردە العان قانداي دا بولسىن مۇلكiن جەكە مەنشiگiندە ۇستاي الادى. جەكە مەنشىك قۇقىعىنا قول سۇعىلمايدى. مەنشiككە، ونىڭ iشiندە مۇراگەرلiك قۇقىعىنا زاڭمەن كەپiلدiك بەرiلەدi. ەگەر كونستيتۋسيادا وزگەشە كوزدەلمەسە، زاڭدى جولمەن الىنعان مۇلىككە مەنشىك قۇقىعىن شەكتەيتىن نەمەسە ودان ايىراتىن زاڭداردى جانە وزگە دە قۇقىقتىق اكتىلەردى قابىلداۋعا جول بەرىلمەيدى.».

مەنىڭ ۇسىنىسىم: 26-باپتىڭ 3-تارماعى مىناداي رەداكسيادا جازىلسىن: اۋىل شارۋاشىلىعى ماقساتىنداعى جەر ۋچاسكەلەرى شەتەلدىكتەرگە جەكە مەنشىككە بەرىلمەيدى، قازاقستاندىق ازاماتتاردىڭ اۋىل شارۋاشىلىعى ماقساتىنداعى جەر ۋچاسكەلەرىن شەت ەلدىك جەكە نەمەسە زاڭدى تۇلعاعا ساتۋىنا جول بەرىلمەيدى.

***

ايتا كەتەر بولساق، ءبىر جىل بۇرىن جەر رەفورماسى تۋرالى زاڭنان شي شىعىپ، حالىق شەتەلگە جەردى جالعا بەرۋ مەن ساتۋعا قارسى شىققان بولاتىن. حالىق تولقۋىنان سوڭ پرەزيدەنت جەر رەفورماسى تۋرالى زاڭعا ءبىر جىلدىق ماراتوريي جاريالادى. پارلامەنت ماراتوريي كۇشىن 5 جىلعا ۇزارتقان بولاتىن.