اقتوبەدە سوتتالعان 7 سودىردىڭ 4-تەۋى ورتا مەكتەپ وقۋشىسى دەپ جازادى central.asia-news.com.

سوتتالعان قازاقستاندىق نۇرحان سەيىتقاليدىڭ عالامتورعا 2014 جىلدىڭ قىركۇيەك ايىندا جۇكتەگەن ۆيدەوسىنان كىشكەنتاي بالانىڭ پۋلەمەتپەن اتىپ جاتقانىن كورۋگە بولادى. ۆيدەو يراكتىڭ دايش توبىنىڭ جاتتىقتىرۋ لاگەرىندە تۇسىرىلگەن بولۋى مۇمكىن.

قازاقستاندىق بيلىك كۇشىنىڭ ارقاسىندا اقتوبەنىڭ ورتا مەكتەپ وقۋشىلارىنان تۇراتىن قىلمىستىق توپ اشكەرەلەندى.

اقتوبەنىڭ جەتى تۇرعىنى تەررورلىق توپ قۇرىپ، تەرروريزمدى ناسيحاتتاپ، ءدىني الاۋىزدىقتى قوزدىرعانى ءۇشىن سوتتالعان. ولاردىڭ ىشىندە كامەلەت جاسقا تولماعاندار دا بار. ولارعا 6 جىلدان 8 جىلعا دەيىن باس بوستاندىعىنان ايىرۋ تۋرالى جازا كەسىلدى.

ۇلكەن ماقساتتار، ءبىراق قىسقا تاريح

سوتتا ايىپتالۋشى سودىرلار تەراكتىنى ۇيىمداستىرۋ جوسپارىن قۇرۋ ءۇشىن مەكتەپ اۋلاسى مەن پاتەردە كەزدەسكەنى ايتىلدى. ولاردىڭ قولىندا اڭشىلىققا ارنالعان ەكى قارۋ بولعان. ول ارقىلى پوليسيا بولىمشەسىنە، تۇنگى كلۋبتارعا جانە ساۋدا ورتالىعىنا شابۋىل جاساۋدى ويلاستىرعان.

توپ 19 تامىزدان باستاپ كەزدەسە باستادى. ساعىنىش قۇدايبەرگەنوۆ توپتىڭ «ءامىرى»، ال ەلامان بالتابايەۆ «قازىناشى» بولىپ سايلانعان. سوتتا قۇدايبەرگەنوۆتىڭ شەتەلدە دە تەراكتى ۇيىمداستىرۋدى جوسپارلاعانى ايتىلدى.

ءابىلحايىر جالعاس پەن نۇرجان ءسابيتوۆ ەسىمدى سوتتالعاندار توپقا مۇشەلىككە كىرىپ، تەراكتى جاساۋعا قاتىسۋعا كەلىسىمىن بەرگەن.

الايدا توپتىڭ عۇمىرى ۇزاققا بارمادى. پوليسەيلەر 28-30 تامىز ارالىعىندا  جەتى سودىردى ۇستادى. توپتىڭ سەگىزىنشى مۇشەسى تۋرالى سوتتا ەشتەڭە ايتىلمادى.

عالامتورداعى قىلمىس

توپتىڭ قالاي قۇرىلعانىن زەرتتەۋ بارىسىندا، پوليسەيلەر عالامتور ارقىلى راديكالدى ۇگىت ناسيحات جۇرگىزىلگەنىن انىقتادى.

قۋانىش ەسەنعۇلوۆ اتتى سوتتالعان سودىردىڭ ءبىرى تەرروريستىك حابارلامالاردى تاراتۋ ءۇشىن ءوز تەلەفونىنداعى «ۆكونتاكتە» جەلىسىن پايدالانعان. لاقاپ اتپەن پاراقشا اشىپ، ادامداردى جيحادقا شاقىرعان.

سودىرلاردىڭ الەۋمەتتىك جەلىدەگى پاراقشالارى وتباسى نەمەسە قۇقىققورعاۋ ورگاندارىنىڭ تاراپىنان ءوشىرىلىپ تاستالدى.

پاراقشادا جاريالانعان ۆيدەولاردىڭ بىرىندە بالالاردىڭ نىسانعا اتىپ جاتقانى كورسەتىلەدى. ول يراك پەن ليەۆانتانىڭ دايش لاگەرىندە تۇسىرىلگەن دەگەن بولجام بار. ونداعى سودىرلار بەتىن بۇركەمەستەن ءجۇزىن اشىق كورسەتىپ وتىر.

«ەگەر ادام ەش جاسىرىنباستان ۆيدەوعا تۇسسە، ياعني ول ارنايى قىزمەتكە ول ءۇشىن جوعالتاتىن ەشتەڭە جوق ەكەنىن اشىق كورسەتىپ تۇرعانى» دەدى  كونفەسسياارالىق قارىم-قاتىناستاردى تالداۋ جانە دامىتۋ ورتالىعىنىڭ ديرەكتورى  گۇلنار رازدىقوۆا.

جاستاردى راديكالدى توپتان قورعاۋ

 قازاقستان بيلىگى ءقاۋىپتى السىرەتۋ ءۇشىن جۇيەلى  كۇش جۇمساپ جاتىر.

مۇنداي ورگانداردىڭ ءبىرى  كونفەسسياارالىق قارىم-قاتىناستاردى تالداۋ جانە دامىتۋ ورتالىعى  بولىپ تابىلادى.

قازىرگى تاڭدا ب ا ق جانە عالامتور ارقىلى جاستارمەن ءتۇسىندىرۋ جۇمىستارىن جۇرگىزۋ، كەزدەسۋلەر، دوڭگەلەك ۇستەل، كونفەرەنسيالار ۇيىمداستىرىلىپ جاتىر. بۇل تۋرالى  ورتالىق باسشىسى ءازىز جۇماعالييەۆ حابارلادى.

«جۇمىستار ەل بويىنشا جۇرگىزىلۋدە. 2016 جىلى تەك پەتروپاۆلدىڭ وزىندە اتالمىش شارالار 15،5 مىڭ ادامدى قامتىدى» دەيدى جۇماعالييەۆ.