الماتىدا 15ء-شى قاباتتان قۇلاپ كەتكەن ەر ادام تانىمال رەپ-ورىنداۋشى بولىپ شىقتى، - دەپ حابارلايدى Tengrinews.kz. الەۋمەتتىك جەلى قولدانۋشىلارى Black Cost توبىنىڭ نەگىزىن قالاۋشى جاندوس تالعاتتىڭ وتباسىنا كوڭىل ايتىپ جاتىر. ول Hazard لاقاپ اتىمەن شىعىپ جۇرگەن.

وسىعان دەيىن، الماتىدا 31 جاستاعى ەر ادامنىڭ تولە بي كوشەسىنىڭ بويىندا ورنالاسقان "كاۋسار" تۇرعىن ءۇي كەشەنىنىنىڭ 15ء-شى قاباتىنان قۇلاپ كەتكەنى بەلگىلى بولعان. وقيعا 22 اقپاندا بولعان. العان جاراقاتىنان ول وقيعا ورنىندا قازا تاپتى. قازىرگى ۋاقىتتا پوليسيا وقيعانىڭ ءمان-جايىن انىقتاپ جاتىر. 

"ۆكونتاكتە" جەلىسىندەگى Black Cost توبىنىڭ رەسمي پاراقشاسىندا جاندوس تالعاتتىڭ 1985 جىلى 22 قىركۇيەكتە تۋعانى جازىلعان. "Black Cost توبىنىڭ نەگىزىن قالاۋشى، ول 1999 جىلدان باستاپ مۋزىكالىق مانسابىن باستادى. كوپشىلىكتىڭ مويىنداۋىمەن Hazard قازاقستانداعى ەڭ مىقتى مس بولىپ سانالادى. قازاق، ورىس، اعىلشىن تىلدەرىندە جازادى، ليريكا، حاردكور، گەنگستا رەپ جانە تاعى باسقا ستيلدەردە ءان جازىپ، ءوز كاسىبيلىگىن سان مارتە دالەلدەدى. ول ومىرگە دەگەن كوز قاراسىن اۋەنمەن جەتكىزدى"، - دەلىنگەن Black Cost توبىنىڭ رەسمي اككاۋنتىندا.