«رەسەيلىك فوررەست گامپ» اتانعان الەكساندر كاپەر  ەسىمدى ساياحاتتاۋشى ماسكەۋدەن بەجىڭگە دەيىن 200 كۇن ىشىندە جۇگىرىپ وتپەككە بەكىندى. بۇل تۋرالى «قامشى پورتالى» lenta.ru- عا سىلتەمە جاساپ حابارلايدى.

كاپەر  جۇگىرۋدى 4 ناۋرىزدا باستاماق. ول 200  كۇن ىشىندە  سەگىز مىڭ كيلومەتردى باعىندىرۋدى جوسپارلاپ وتىر. ونىڭ باعىتىنا 16 رەسەيلىك اۋماق پەن ءۇش مەملەكەتتىڭ تەرريتورياسى كىرمەك.

ا.كاپەر نەگىزىنەن رەسەي،  رەسەي اۋماعىنداعى ۆلاديمير، چەبوكسارى، قازان، ۋفا، يركۋتسك، ۋلان-ۋدە سياقتى قالالاردان وتەدى. وسى اتالعان ەلدى مەكەندەردىڭ كەز-كەلگەن قالاعان تۇرعىنى ساياحاتشىعا قوسىلىپ جۇگىرىپ وتسە بولادى.

«ءار ادام ومىرندە  عاجاپ نارسە جاساعىسى كەلەدى. مەن ماسكەۋدەن بەجىڭگە دەيىن بۇكىل ەل اۋماعىن كەسە وتىرىپ جۇگىرىپ وتەمىن. سەبەبى بۇل- مەنىڭ ارمانىم»- دەيدى كاپەر.

 2015 جىلدىڭ تامىزىندا كاپەر  سيەۆاستوپولدان سيمفەروپولگە دەيىن،  2014 جىلدىڭ ساۋىرىندە سامارادان  ماسكەۋگە دەيىن جۇگىرىپ وتكەن.

«فوررەست گامپ» -تى  بەلگىلى-بىر تۇرعىدا وزىنە ۇلگى ەتكەن الەكساندر، اتاقتى ءفيلمنىڭ باستى كەيىپكەرى سەكىلدى  اتاعى ەلگە تانىلۋدا.

 «فوررەست گامپ» —روبەرتا زەمەكيستىڭ  1994 جىلعى ءفيلمى. باستى كەيىپكەر فوررەست گامپ ءۇش جىل بويىندا اقش اۋماعىمەن جۇگىرىپ وتەدى.  سول ۋاقىت ارالىعىندا وعان جول-جونەكەي قوسىلعان ادامدار سانى كوبەيىپ، وسىلايشا، اتى الەمگە تانىلعان.