كوكشەتاۋدا پاتەراقى الىپ كەتۋگە كەلۋگە كەلگەن ايەل ءوزىنىڭ پاتەرىن جالداپ تۇرۋشىنىڭ قولىنان جازىم بولا جازدادى دەپ حابارلايدى «قامشى اقپارات» caravan.kz-كە سىلتەمە بەرە وتىرىپ.

تەرگەۋ مالىمەتتەرى بويىنشا، بۇل وقيعا بىلتىرعى جىلدىڭ 12 تامىزىندا كوكشەتاۋدا  تىركەلگەن. كوكشەتاۋ تۇرعىنى ءوز پاتەرىن جالداپ تۇرۋشىعا پاتەر اقشاسىن الۋ ءۇشىن كەلگەن. پاتەر تۇرعىنى ماس كۇيىندە اقشا ورنىنا بالتانى الا جۇگىرىپ، ايەلدىڭ باسىنا بىرنەشە رەت ۇرعان.

ايەلدىڭ ءتىرى ەكەنىن بايقاپ قالىپ، تاعى دا پىشاقپەن جاراقاتتاعان. سول ۋاقىتتا پاتەر يەسىنىڭ كوپ كەشىگۋى سەبەبىنەن الاڭداعان تۋىسقاندارى وعان قوڭىراۋ شالعان. ايەل تۋىستارىنىڭ ءبىرى سول پاتەرگە كىرىپ شىعۋدى ءجون كورىپ، اتالعان ۇيگە بارعان ۋاقىتتا، قىلمىسكەر ايەلدىڭ كەتىپ قالعانىن ايتقان. ءدال سول ۋاقىتتا ايەلدىڭ تۋىسقانى قانسىراپ جاتقان پاتەر يەسىنىڭ ءالسىز داۋسىن ەستىپ قالعان. پاتەردى جالداپ تۇرۋشى قىلمىسكەر قورقىپ وقيعا ورنىنان قاشىپ كەتكەن.  

دارىگەرلەر ايەل ءومىرىن قۇتقارىپ قالا الدى. پوليسيا قىزمەتكەرلەرى قىلمىسكەردى وقيعا ورىن العان كۇننىڭ ەرتەسىندە تاپقان. اقمولا مامانداندىرىلعان اۋدانارالىق سوتى قىلمىستىق ءىس بويىنشا 42-جاسار ەر دامدى قىلمىستىق قاستاندىق جاسادى دەگەن ايىپپەن باس بوستاندىعىنان ايىردى.