ۋكراينا پرەزيدەنتى پەتر پوروشەنكو پورتۋگاليا پارلامەنتى ۋكرايندىقتار 1932-1933 جىلدارى باستان وتكەرگەن اشتىقتى گەنوسيد دەپ تاپتى. بۇل تۋرالى ۋكراينا پرەزيدەنتى  ءوزىنىڭ Facebook پاراقشاسىنا جازدى.

Noticias ao minuto باسىلىمى حابارلاعانداي، پورتۋگاليانىڭ سوسيال-دەموكراتيالىق پارتياسى توتاليتاريزم مەن ادامزاتقا قارسى بارلىق ارەكەتكە قارسى ەكەنىن ايتقان. ونىڭ ىشىندە ۋكراينادا 1930 جىلى بولعان اشتىقتى دا باسا اتاپ وتكەن. اتالمىش پارتيانىڭ وكىلى تەلمو كوررەيانىڭ (Telmo Correia) ايتۋىنشا كوممۋنيزمنىڭ قۇرباندارى، ناسيستەردىڭ قۇرباندارىنان الدە قايدا كوپ بولعان.

پىكىر تالاس بارىسىندا سوسياليستىك پارتيانىڭ وكىلى پەدرۋ فيليپە سوارەش اشتىقتا كوز جۇمعانداردى ەسكە الىپ، ءتىرى قالعانداردىڭ وتباسىنا قۇرمەت ءبىلدىرۋ كەرەكتىگىن ايتىپ ءوتتى.

كومپارتيا وكىلى انتونيۋ فيليپەمكەڭ بەلەڭ العان اشتىقتىڭ قۇرباندارى ۋكراينا مەن قاتار باسقا ەلدەر دە باستان وتكەرگەنىن اتاپ ءوتتى.

جەلتوقسان ايىندا ۋكراينا پارلامەنتى باسقا مەملەكەتتەرگە 1932-1933 جىلدارداعى اشتىقتى ۋكراينا حالقىنىڭ گەنوسيدى دەپ تابۋىن سۇراعان. تۇسىندىرمە حاتتا 1932-1933 جىلدارى اشتىق ميلليونداعان ادامنىڭ ءومىرىن جالماپ، ۋكراينا جانە ادامزات تاريحىندا قايعىلى بەلگىسىن قالدىرىپ كەتتى دەپ جازىلعان.

1932-1933 جىلدارداعى اشتىق ۋكراينا مەن قاتار قازاقستان، قىرعىزستان،  سولتۇستىك كاۆكاز، وڭتۇستىك ۋرال ت.ب ەلدەردى جايلاعان. تاريحشىلار مەن زەرتتەۋشىلەر سول ۋاقىتتا قايتىس بولعانداردىڭ سانىن ءارتۇرلى ايتادى. جالپى سانى 7-دەن 8 ميلليون ادامعا دەيىن كوز جۇمدى دەگەن اپارات بار. رەسمي دەرەك بويىنشا قازاقستاندا – 2 ميلليون، ۋكراينادا – 3،5 ميلليون، قىرعىزستاندا – 2 ميلليون دەپ كورسەتىلگەن.