اقش پرەزيدەنتى دونالد ترامپ فلوريدا شتاتىنداعى سۆياتواندرەيەۆسك  كاتوليك مەكتەبىندە  بالالارمەن كەزدەستى. 4-سىنىپ وقۋشىلارىمەن كەزدەسكەن پرەزيدەنت وقۋشىلارمەن سويلەسىپ، ءتىپتى ولارعا ءوزىنىڭ كەڭەستەرىن ايتقان كورىنەدى. بۇل تۋرالى vesti.ru-عا سىلتەمە جاساپ qamshy.kz حابارلايدى.

وقۋشى قىزداردىڭ ءبىرى ءوزىنىڭ جەكە بيزنەسىن اشقىسى كەلەتىنىن ايتقاندا، پرەزيدەنت: «بۇل جاقسى يدەيا» دەپ پىكىرىن بىلدىرگەن. سودان كەيىن الگى قىزعا: «ءبىراق ودان كەيىن ساياساتپەن اينالىسۋشى بولما» دەگەن.

وقۋشى بالالار ترامقا وزدەرىنىڭ قولىنان جاسالعان فلوريدا شاتاتىنىڭ مەرەيتويىنا وراي جازىلعان حاتتارىن تابىستاعان. پرەزيدەنت تابىستالعان سىيلىقتارىنا العىس ايتىپ، تانىمال بولعىسى كەلسە وزىمەن بىرگە سۋرەتكە تۇسۋگە شاقىرعان.

تراممەن بىرگە ونىڭ قىزى يۆانكا جانە ونىڭ كۇيەۋى، ءبىلىم ءمينيسترى بەتسي ديەۆوس جانە ت.ب وقۋشىلارمەن كەزدەستى.

پرەزيدەنتتىكە دەيىن  جەكە كاسىپكەر، بيزنەسمەن، اقش-تاعى اۋقاتتى ماگناتتاردىڭ ءبىرى بولعان پرەزيدەنتتىڭ بالالاردى ساياساتتان الاستاتۋعا تىرىسىپ، وسىنداي ماعىناداعى كەڭەستەر بەرۋى ونىڭ ساياساتتان  شارشاعاندىعى سەبەبىنەن دە شىعار.