ساياساتكەر ايدوس سارىم ءوزىنىڭ Facebook الەۋمەتتىك پاراقشاسىندا تۇركيانىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىكتىڭ وتاندىق ليسەيلەر تۋراسىندا ايتقاندارىنا قاتىستى پىكىر ءبىلدىردى.
«سىرتقى ىستەر مينيسترلىگى مەن ءبىلىم جانە عىلىم مينيسترلىگىنىڭ نازارىنا! تۇركيانىڭ قازاقستانداعى ەلشىسىنەن سىپايى تۇردە ليسەيلەرىمىزدىڭ تاعدىرى جونىندە الاڭداماۋىن سۇراڭىزدارشى. بۇل ەكى جاقتىڭ قارىم-قاتىناسىن گۇلدەندىرمەيدى ءارى بارا-بارا شەكتەن شىققان، مازا بەرمەيتىن مانياعا اينالىپ بارادى. ليسەي اتاۋى وزگەرىپ تە ۇلگەرگەن!» دەپ جازدى ايدوس سارىم.
ايتا كەتەيىك، تۇركيانىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىك بۇعان دەيىن بىرنەشە مارتە قازاق-تۇرىك ليسەيى جونىندە ءوز پىكىرىن بىلدىرگەن.
