كەيبىر ادامدار اقشا ءۇشىن بارلىعىنا دايىن. ماسەلەن براكونەرلەر مەن كونترابانداشىلار جىل سايىن سيرەك كەزدەسەتىن جانە جەر بەتىنەن جويىلىپ كەتۋدىڭ الدىندا تۇرعان جانۋارلاردى اقشا ءۇشىن ولتىرەدى دەپ جازادى qamshy.kz.

كەيدە ولاردىڭ قىلمىسىن اشىلىپ جاتادى.

جاقىندا يندونەزيادا كەدەنشىلەر جەر بەتىنەن جويىلۋدىڭ الدىندا تۇرعان 24 توتىقۇستى شەكارادان الىپ وتپەكشى بولعان ادامدى ۇستادى.

بەلگىلى بولعانداي، ولار كادىمگى پلاستيكالىق قۇتىمەن شەكارادان وتپەككە بەكىنگەن. الايدا،  كەدەن قىزمەتكەرلەرىنىڭ ءبىرى بوتەلكەنىڭ ىشىنەن بەلگىسىز جانۋاردىڭ كوزىن بايقاعان.

ءار قۇتىنىڭ ىشىندە توتىقۇس بولدى. ولاردى جاقسىلاپ بايلاپ، داۋىس شىعارىپ، قوزعالا المايتىنداي جاساعان.

براكونەرلەردىڭ قاتىگەز ارەكەتىنەن توتىقۇستاردىڭ جاعدايى ناشارلاعان. قىلمىسكەردى ۇستاعاننان كەيىن قۇستاردى ۆەتەريناردىڭ تەكسەرۋىنە جىبەردى.

بۇل توتىقۇستار قارا بازاردا 650 فۋنت ستەرلينگ تۇرادى.توتىقۇستىڭ بۇل ءتۇرىنىڭ الەمدە تەك 7 مىڭى عانا قالدى. ولار سويلەي الماسا دا، بيلەگەندى جاقسى كورەدى جانە قوجايىنىنا قاتتى باۋىر باسادى. وكىنىشكە وراي، ولار وتە باياۋ كوبەيەدى.