بۇرىن ءبىزدىڭ اۋىلدا ءبىر كىسى تۇرعان. كورشى تۇرعان جوقپىز. ءبىزدىڭ ۇيگە جاقىنداۋ جەردە تۇراتىن. ۇي-ىشىمىزبەن جاقىن ارالاسىپ تۇردىق. 4 قىز، ءبىر ۇلى بار ەدى. ۇلى بيىل 43-كە كەلدى. 40-قا كەلگەنشە ۇيلەنبەدى. اۋىراتىن. اسكەردەن باسىنان سوققى العان دەيتىن. ۇيىنەن شىقپايتىن ەدى. تويلارعا بارعانىن كورمەدىم. جاقىنداۋعا قورقاتىنمىن اۋىرادى دەگەسىن. ءبىراق قاتتى اۋىرعانىن كورمەدىم، شارۋاسىن ىستەپ جان بالاسىمەن سويلەسە قويمايتىن. 15 جىلداي بۇرىن ارقالىققا كوشىپ كەتتى.
قىزدارى تۇرمىسقا شىعىپ، ۇلى ۇيلەنبەي قالدى. جالعىز ۇلىنىڭ ۇيلەنبەۋى كىمگە وڭاي دەيسىڭ، ءبىراق سابىرلى كىسىلەر ەدى.
كەشە سول ۇلىن ايالدامادان كورىپ قالدىم، قاسىندا كەلىنشەگى بار ەكەن.
ز اۆتوبۋسى ءوتىپ كەتسە دە مەنى كورىپ قاپ ءبىراز اڭگىمە ايتىپ تۇردى. تەلەبىزىردەن كوردىم وتكەندە دەيدى.
4-5 جىل بۇرىن ۇيلەنىپتى، 2 بالام بار دەيدى. ۇيلەندىم دەگەنىنە قاتتى قۋاندىم. كەلىنشەگى كەرەمەت جاقسى ادام ەكەن، اۋىلدىڭ قاراپايىم قىزى، اتا-ەنەسىن، كۇيەۋىن الاقانعا سالىپ وتىر ەكەن. ءوزى ەدەن جۋىپ جۇمىس ىستەيدى، اتا-ەنەسىنىڭ، كۇيەۋىنىڭ پەنسياسى بار، بىرەۋدەن ىلگەرى، بىرەۋدەن كەيىن بولىپ، اپ-ادەمى وتباسى بولىپ ءومىر ءسۇرىپ جاتىر ەكەن.
قۇدايدىڭ سونداي كەلىن كەزدەستىرگەنىن ايتساڭشى.
ءتۇرى ەمەس جانى سۇلۋ ايەل ەكەنى بىردەن كورىندى.
سابىر ەتسە، قۇداي قيىندىقتىڭ ارتىنان ب ا ق بەرەتىن سياقتى.
قازاقتىڭ ءبىر ازاماتى باقىتتى بولعانىنا شىن قۋاندىم. ۇيلەنبەي وتەتىن شىعار دەپ ويلاپ ەدىم.
ءقازىر قىرىققا كەلىپ ءوز تەڭىن تابا الماي جۇرگەندەر بار. زامان كىنالى مە، ادام كىنالى مە بىلمەدىم.
قىزدار قاراپايىم بولىپ، ەركەك ەستى بولسا ەكەن دەيسىڭ.
سول كەلىنشەك كارەرا قۋعان مىڭداعان قىزدان ارتىق. ەركەكتىڭ دۇنيەسىنە دە، بىلىمىنە دە، ازداپ اۋىراتىندىعىنا دا قاراماي ەتەگىنەن ۇستاعانىنا باسىڭدى يەسىڭ.
سونداي كەلىندەر بارىمىزگە دە بۇيىرسىن.

داۋلەت سەرىكباي