ارگەنتينادا كونسەرت كەزىندە ەكى ادام مەرت بولدى، دەپ حابارلايدى 24.kz جاڭالىقتارى Clarin سايتىنا سىلتەمە جاساپ.
مارقۇمدار ولاۆارريا قالاسىندا ءوتىپ جاتقان روك-كونسەرتكە كەلىپ، قالىڭ جۇرتتىڭ اياق استىندا تاپتالىپ قالعان. ءدال وسىلاي تاعى ون شاقتى جانكۇيەر جاراقات الدى. اراسىندا اۋىر حالدە جاتقاندار دا بار. مالىمەتتەرگە قاراعاندا، جەرگىلىكتى توپتىڭ كونسەرتىنە جيىلعاندار سوڭعى انگە كەزەك كەلگەندە جاپپاي ساحناعا ەنتەلەپ، ءبىر-بىرىن يتەرمەلەگەن. سالدارىنان ءسۇرىنىپ-قابىنىپ، اياق استىندا قالعاندار اياققا تۇرىپ ۇلگەرمەگەن. ۇيىمداستىرۋشىلاردىڭ ايتۋىنشا، جالپى روك-ورىنداۋشىلارىن تىڭداۋعا 250 مىڭ ادام جينالعان.
