بۇگىن ق ر پرەمەر-مينيسترى باقىتجان ساعىنتايەۆ پەن ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى مارات ءتاجين جۇمىس ساپارىمەن اقتاۋ قالاسىنا باردى، وندا وبلىس ءماسليحاتىنىڭ كەزەكتەن تىس سەسسياسىنا قاتىستى. بۇل تۋرالى Qamshy.kz پرەمەر-مينيستردىڭ سايتىنا سىلتەپ حابارلايدى. 

وتىرىس بارىسىندا پرەمەر-مينيستر ب. ساعىنتايەۆ ءماسليحات دەپۋتاتتارىنا باعىتتالعان، وبلىس اكىمىنىڭ لاۋازىمىنا توعجانوۆ ەرالى لۇقپان ۇلىنىڭ كانديداتۋراسىن ۇسىنۋ تۋرالى مەملەكەت باسشىسىنىڭ حاتىن وقىپ بەردى.

دەپۋتاتتار ءبىراۋىزدان پرەزيدەنت ۇسىنعان كانديداتۋرانى قولدادى.  

ەرالى لۇقپان ۇلى بۇعان دەيىن قازاقستان حالقى اسسامبلەياسى ءتوراعاسىنىڭ ورىنباسارى، قازاقستان حالقى اسسامبلەياسى حاتشىلىعىنىڭ مەڭگەرۋشىسى بولعان.

ساياساتتانۋ عىلىمدارىنىڭ دوكتورى.
1963 جىلى 13 مامىردا باتىس قازاقستان وبلىسىندا دۇنيەگە كەلدى.
جوعارى ءبىلىمدى: ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىندە (1983-1988 جج.)، قۇقىقتانۋ. 
ق ر عىلىم اكادەمياسىنىڭ مەملەكەت جانە قۇقىق ينستيتۋتى (1991-1994جج.)، زاڭگەر.
كەڭەس وداعىنىڭ اسكەر قاتارىندا قىزمەت ەتتى.
1991 جىلدان 1998 جىلعا دەيىن ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ مەملەكەت جانە قۇقىق تەورياسى مەن تاريحى كافەدراسىندا وقىتۋشى. 
1994-1996 جج.  ق ر عىلىم اكادەمياسىنىڭ مەملەكەت جانە قۇقىق ينستيتۋتىندا عىلىمي قىزمەتكەر. 
1996 جىلدان باستاپ قازاق گۋمانيتارلىق زاڭ ۋنيۆەرسيتەتىنىڭ مەملەكەتتىك قىزمەت جانە حالىقارالىق قۇقىق فاكۋلتەتىنىڭ اعا وقىتۋشىسى، دەكان ورىنباسارى قىزمەتىن اتقاردى. 
1994 جىلدان باستاپ اتالعان ۋنيۆەرسيتەتتىڭ حالىقارالىق قۇقىق فاكۋلتەتىنىڭ دەكانى بولدى. 
1999 جىلى فيليال دەكانى، 2001 جىلى استانا قالاسىنىڭ قازاق گۋمانيتارلىق زاڭ ۋنيۆەرسيتەتىنىڭ  قۇقىق جانە مەملەكەتتىك قىزمەت ينستيتۋتىنىڭ ديرەكتورى بولىپ تاعايىندالدى.
2001-2006 جج. قاراعاندى وبلىسى اكىمىنىڭ ورىنباسارى. 
2006-2008 جج. قازاقستان رەسپۋبليكاسى ادىلەت مينيسترلىگى ءدىن ىستەر كوميتەتىنىڭ ءتوراعاسى بولىپ جۇمىس ىستەدى. 
2008 جىلدىڭ قاڭتارىندا قازاقستان رەسپۋبليكاسى پرەزيدەنتى وكىمىمەن قازاقستان رەسپۋبليكاسى پرەزيدەنت اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى بولىپ تاعايىندالدى. 
مەملەكەتتىك ماراپاتتارى جانە قۇرمەتتى اتاقتارى بار. 2 دەڭگەيلى «دوستىق» وردەنى جانە «ەرەن ەڭبەگى ءۇشىن» مەدالىمەن ماراپاتتالعان.