پارلامەنت ءماجىلىسىنىڭ دەپۋتاتى باقىتگۇل حامەنوۆا قازاقستاندا بەبي-بوكس ەنگىزۋ باستاماسىن قايتا ۇسىندى، دەپ xابارلايدى قازاقپارات.

ۇكىمەت باسشىسى باقىتجان ساعىنتايەۆقا جولداعان دەپۋتاتتىق ساۋالدا حامەنوۆا جاڭا تۋعان نارەستەلەردىڭ قوقىس جاشىگىنەن ءجيى تابىلىپ جاتقانىنا ۇلكەن الاڭداۋشىلىق ءبىلدىردى.

«باس پروكۋراتۋرانىڭ مالىمەتتەرى بويىنشا، 2016 جىلى قىلمىستىق كودەكستىڭ 119 بابى "بالانى ءقاۋىپتى جاعدايلاردا قالدىرىپ كەتۋ" فاكتىسى بويىنشا ىشكى ىستەر ورگاندارى 15 ءىس قوزعادى. 2017 جىلدىڭ 3 ايىندا 8 وقيعا تىركەلدى. وكىنىشكە قاراي، مۇنداي وقيعالار ءوسىپ جاتىر. قىزدار ۇرپاق جالعاستىرۋى ءتيىس. قىزدارىمىزدىڭ تاربيە-ونەگەسى - بولاشاق بۋىننىڭ تاعدىرى»، - دەدى ول ءماجىلىستىڭ پلەنارلىق وتىرىسىندا.

وسى تۇرعىدا xالىق قالاۋلىسى وقۋ ورىندارىندا جاس قىزداردىڭ رۋxاني دامۋىنا دەن قويۋ قاجەتتىگىن اتاپ ءوتتى. «كەيبىر ەلدەرلە "ءۇمىت بەسىگى" - بەبي-بوكس دەگەن بار. ايەلدەر ءىسى جانە وتباسى-دەموگرافيالىق ساياسات جونىندەگى ۇلتتىق كوميسسيا جانە قوعامدىق ۇيىمدارعا كۇش بىرىكتىرەتىن ۋاقىت جەتتى. وسىنداي "ءۇمىت بەسىكتەرى" كوپتەگەن باتىس ەلدەرىندە مەديسينالىق مەكەمەلەردىڭ جانىندا ورناتىلادى. وسىلايشا، مىڭداعان نارەستەنىڭ ومىرىنە اراشا بولدى. اتالمىش بوكستاردى ورناتۋ ورىن العان جاعدايدى شەشە الار ەدى»، - دەدى ول.