ناۋرىز  - بۇلدىرشىندەردىڭ مەرەكەسى بولۋى ءتيىس. سولاي ەتسەك، مەيرامنىڭ ماعىناسى تەرەڭدەي تۇسپەك. مادەنيەت جانە سپورت ءمينيسترى ارىستانبەك مۇحامەدي ۇلى ۇلىستىڭ ۇلى كۇنى قارساڭىندا وسىنداي ۇسىنىس ايتتى دەپ حابارلايدى «قامشى» پورتالى 31 ارناعا سىلتەمە جاساي وتىرىپ.

مينيستر وسىلايشا وسكەلەڭ ۇرپاقتى ۇلتجاندىلىققا تاربيەلەيمىز دەگەن پىكىردە. سونىمەن قاتار ارىستانبەك مۇحامەدي ۇلى 22 ناۋرىزدا كوشەگە شىعىپ، تۋىستاردى ارالاۋمەن عانا شەكتەلمەۋ كەرەك دەپ وتىر. جاڭارۋ كۇنىندە ءار ازامات ءوز مۇمكىندىگىنشە ەلدىڭ دامۋىنا ۇلەس قوسۋعا ۇمتىلعانى دۇرىس دەيدى. مينيستر بۇل رەتتە اعاش وتىرعىزۋدى داستۇرگە اينالدىرىپتى.

ارىستانبەك مۇحامەدي ۇلى، ق ر مادەنيەت جانە سپورت ءمينيسترى:

- مەن جىل سايىن وتىرعىزامىن اعاشتى. ەندى شىنىمدى ايتايىن، مەن ومىردە ءوزىمنىڭ قاعيداتتارىمدى مىندەتتى تۇردە ورىندايمىن. 1 اعاش قانا ەمەس، 1 ۇل عانا ەمەس، 1 ءۇي عانا ەمەس بارلىعى مىندەتتى تۇردە. اعاش وتىرعىزۋ مىندەت قانا ەمەس، جان-دۇنيەمە جاقىن ارەكەت. نەگە دەسەڭىز، اعاشتى وتىرعىزىپ، گۇلدەنىپ جاتسا، ونىڭ كورىكتىلىگى ەلگە ءبىر جاقسىلىق الىپ كەلىپ جاتسا، ارينە ول ۇلكەن قۋانىش.