2017 جىلدى «تۇركىستان تۇركى الەمىنىڭ استاناسى» دەپ جاريالاۋىنا جانە الاش پارتياسىنىڭ 100 جىلدىعىنا وراي «ازىرەت سۇلتان» مەملەكەتتىك تاريحي-مادەني قورىق-مۇراجايى «الاشتانۋ جانە مۋزەي» رەسپۋبليكالىق عىلىمي-پراكتيكالىق كونفەرەنسيا جۇمىسىنا قاتىسۋعا شاقىرادى. كونفەرەنسيا تۇركىستان قالاسىندا 12 مامىردا وتەدى. بۇل تۋرالى Qamshy.kz كونفەرەنسيانىڭ ۇيىمداستىرۋ كوميتەتى   «ازىرەت سۇلتان» مەملەكەتتىك تاريحي-مادەني قورىق-مۇراجايىنا سىلتەمە جاساپ حابارلايدى.

كونفەرەنسيا تاقىرىبىنىڭ نەگىزگى باعىتتارى:

الاش قايراتكەرلەرىنىڭ قازاق قوعامىنداعى ورنى   

الاش قوزعالىسى جانە الاش ۇكىمەتىنىڭ زەرتتەلۋى مەن ناسيحاتتالۋ جايى

مۋزەي جانە الاشتانۋ ماسەلەلەرى

        كونفەرەنسيا قازاق، ورىس جانە اعىلشىن تىلدەرىندە وتەدى. كونفەرەنسياعا رەسپۋبليكامىزداعى جانە شەتەلدەردەگى تاريح، فيلولوگيا، فيلوسوفيا، شىعىستانۋ، مادەنيەتتانۋ سالالارىنىڭ عالىمدارى مەن الاشتانۋشىلار، تاريحي-مادەني مۇرالاردى قورعاۋ ماماندارى، مۋزەيلەر جانە تاريحي-ولكەتانۋ مۋزەيلەرى جانە عىلىمي-زەرتتەۋ  ينستيتۋتتارى مەن ورتالىقتارىنىڭ قىزمەتكەرلەرى قاتىسادى. كونفەرەنسيانىڭ ماتەريالدارى جيناق تۇرىندە الدىن الا شىعارىلادى.

كونفەرەنسياعا قاتىسۋشىلاردىڭ قارجىلىق شىعىندارى ءوز ەسەبىنەن نەمەسە جىبەرۋشى جاقتان تولەنەدى.