16 ناۋرىز كۇنى قازاقستان پرەزيدەنتى نۇرسۇلتان نازاربايەۆ رەسپۋبليكالىق ب ا ق وكىلدەرىمەن كەزدەسۋ وتكىزدى.

كەزدەسۋ بارىسىندا ەلباسى تىلشىلەردىڭ پارلامەنت دەپۋتاتتارىنىڭ مەرزىمىنەن بۇرىن سايلاۋ وتكىزۋ تۋرالى سۇراعىنا جاۋاپ بەردى، دەپ حابارلايدى «قامشى» پورتالى اقوردانىڭ باسپا ءسوز قىزمەتىنە سىلتەمە جاساپ. 

 «ادامدار سايلاۋدىڭ بولعانىن نەگە سونشا قالايدى؟ جاڭا سايلاۋدان كەيىن جانە ۇيلەنۋدەن كەيىن كەرەگىڭدى الا المايسىڭ دەگەن ءسوز بار. پارلامەنت 2021 جىلعا دەيىن سايلاندى، ول ءوز مەرزىمىن تولىعىمەن اتقارادى»، - دەپ جاۋاپ بەردى ەلباسى تىلشىلەردىڭ قويعان سۇراعىنا.

اڭگىمە بارىسىندا مەملەكەت باسشىسى قازىرگى كۇن تارتىبىندەگى وزەكتى ساۋالدارعا جاۋاپ بەردى.

ەسكە سالا كەتەيىك، كەزدەسۋگە قاتىسۋشىلار «قازاقستاننىڭ ءۇشىنشى جاڭعىرۋى. جاھاندىق باسەكەگە قابىلەتتىلىك»  اتتى جولداۋدى ىسكە اسىرۋ اياسىندا ەل ەكونوميكاسىن ترانسفورماسيالاۋ ۇدەرىسىنىڭ ءبىرقاتار اسپەكتىلەرىن، سىبايلاس جەمقورلىققا قارسى كۇرەس ماسەلەلەرىن، قازىرگى ساياسي جاڭعىرۋ كەزەڭىنىڭ ەرەكشەلىكتەرىن، بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستاننىڭ سىرتقى ساياسي باسىمدىقتارىن، سونداي-اق باسقا دا ماڭىزدى جايتتاردى تالقىلادى.

كەزدەسۋگە «قازاقستان»، «حابار»، «مير» تەلەارنالارىنىڭ، «ايقىن» گازەتىنىڭ، «Esquire» جۋرنالىنىڭ، «قازاقپارات» اقپارات اگەنتتىگىنىڭ تىلىشىلەرى قاتىستى.  سونىمەن قاتار، ق ر پرەزيدەنتى كادر تاعايىنداۋداعى ماسەلەلەر جايىندا دا ءسوز قوزعادى.