شىعىس قازاقستان وبلىسىنا جۇمىس ساپارى اياسىندا ب. ساعىنتايەۆ سەمەي قالاسىنىڭ حالىقارالىق اۋەجايى مەن جەو-1 قايتا قۇرۋ جۇمىستارىن تەكسەرەدى، «نازاربايەۆ زياتكەرلىك مەكتەبىنىڭ» بولىمشەسىنە بارادى، سونىمەن قاتار ءوڭىردىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىن تالقىلاۋ ماقساتىندا قالا جۇرتشىلىعىمەن كەزدەسۋ وتكىزەدى.

جۇمىس ساپارى بارىسىندا پرەمەر-مينيستر ق ر پرەزيدەنتىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ ايماقتاعى ءىرى ونەركاسىپتىك-يندۋستريالدىق جانە اۋىل شارۋاشىلىعى كاسىپورىندارىندا، دەنساۋلىق ساقتاۋ جانە ءبىلىم بەرۋ نىساندارىندا جۇزەگە اسىرىلۋ بارىسىمەن تانىسادى.

كەشە ب. ساعىنتايەۆ اقتوعاي تاۋ-كەن بايىتۋ كومبيناتىندا، وسكەمەن ارماتۋرا زاۋىتىندا، ءۇلبى مەتاللۋرگيا زاۋىتىندا، مايلى داقىلدار تاجىريبەلىك شارۋاشىلىعىندا، كوز ميكروحيرۋرگياسى ەمحاناسىنا جانە د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنە باردى.

سونداي-اق، ق ر پرەمەر-مينيسترى وبلىستىڭ ءىرى ونەركاسىپتىك كاسىپورىندارىنىڭ جەتەكشىلەرىمەن جانە بيزنەس وكىلدەرىمەن كەزدەسۋ وتكىزدى.