ۋكراينا پرەزيدەنتى پەتر پوروشەنكو رەسەيلىك بانكتەرگە ءبىر جىلعا سانكسيا سالۋ تۋرالى ۇسىنىستى ماقۇلدادى دەپ حابارلايدى "قامشى" bbc-گە سىلتەمە جاساپ. ولار ۆتب بانك، بم بانك، سبەربانك، پرومينۆەستبانك جانە VS Bank.

«مۇنداي سانكسيالاردىڭ سالىنۋى كەز-كەلگەن قارجىلىق وپەراسيانى جاساۋعا تىيىم سالۋ. ونىڭ ىشىنە بانك ارالىق نەسيە، دەپوزيت، قارىزدار، قۇندى قاعازداردى ساتىپ الۋ جانە ت.ب.» دەپ ناقتىلادى ۋكراينانىڭ ۇلتتىق  بانك ءتوراعاسىنىڭ ورىنباسارى ياكوۆ سموليي.

ۋۇب ءتوراعاسىنىڭ ورىنباسارى ەكاتەرينا روجكوۆا رەسەيلىك بانكتەردىڭ ۋكراينانىڭ  جەكە جانە زاڭدى تۇلعالارىنىڭ الدىنداعى مىندەتى – 36 ملرد. گريۆەن ەكەنىن (1،34 ملرد. دوللار) جانە ولاردىڭ نەسيەلىك پورتفەلى – 150 ملرد. گريۆەندى قۇرايتىنىن ايتتى (5،58 ملرد. دوللار).

ماسكەۋ رەسەي بانكتەرىنە قارسى ۋكراينانىڭ سانكسيالارى حالىقارالىق قۇقىققا قايشى ەكەنىن جانە ماسكەۋدىڭ ءوز قۇقىقتارى ءۇشىن كۇرەسەتىنىن جەتكىزگەن.