استانا كوشىلىرىنىڭ بىرىنە يسلام كارىموۆتىڭ ەسىمىن بەرۋ ماسەلەسى ءبىر اپتادان سوڭ تالقىلاناتىن بولادى. بۇل جايىندا استانا قالاسىنىڭ تىلدەردى دامىتۋ جونىندەگى كەڭەسىنىڭ جەتەكشىسى تىلەۋعالي قىشقاشبايەۆ «كازينفورم» جاڭالىقتار قىزمەتىنىڭ تىلشىسىنە بەرگەن سۇحباتىندا ايتتى.
«كوشەگە يسلام كارىموۆتىڭ ەسىمىن بەرۋ ماسەلەسى ءبىر اپتادان كەيىن تالقىلانۋى مۇمكىن. ءبىز سىرتقى ىستەر مينيسترلىگىنەن ەكى ەل اراسىنداعى حالىقارالىق كەلىسىم جايىندا حات العان بولاتىنبىز. حاتتا قابانباي باتىر مەن تۇران كوشەلەرىنىڭ ورتاسىندا ورنالاسقان ۇزىندىعى 682 مەتر بولاتىن ە-109 كوشەسىنە يسلام كارىموۆتىڭ ەسىمىن بەرۋ جايىندا جازىلدى».
ونىڭ ايتۋىنشا، كوشەگە ات بەرۋ ماسەلەسى قالالىق ءماسليحاتتىڭ وتىرىسىندا قارالعان.
سونداي-اق تىلەۋعالي قىشقاشبايەۆ وزبەكستاندا ەلىمىزدىڭ تالاي ازاماتتارى جەرلەنگەنىن، وزبەكستانداعى تولە بي اتىنداعى مۇرجاي دا سول مەملەكەتتىڭ ەەسەبىندە جۇمىس ىستەيتىنىن ايتتى.
وزبەكستاننىڭ قازاقستانعا دەگەن قۇرمەتى ەرەكشە ەكەنىن دە ايتىپ قالدى. تاشكەنتتە ەلىمىزدىڭ تاريحي تۇلعالارى اباي، تولە ءبيدىڭ اتىمەن اتالعان كوشەلەر بار.
