داشراتحا ءماندجحيدى بۇگىن الەم «تاۋ ادامى» رەتىندە تانيدى. ونىڭ ەرلىگى جونىندە كىتاپتار جازىلىپ، فيلمدەر تۇسىرىلۋدە. 2007 جىلى ەر ادام قايتىس بولعاندا ونىڭ جەرلەۋ ءراسىمىن ءۇندىستان ۇكىمەتىنىڭ ءوزى وتكىزدى دەپ جازادى "قامشى".

بۇل ەرەكشە ادامنىڭ كوزى تىرىسىندە وعان ەشكىم ءمان دە بەرمەگەن. ءتىپتى كورشىلەرى مەن جاقىندارى ونى ەسى اۋىسقان دەپ ويلاعان.

گەحلور اۋىلىندا تۇرعان قاريانىڭ ايەلى قاتتى سىرقاتتانىپ، اۋرۋحاناعا جەتكەنشە كوز جۇمادى. سەبەبى، قالاعا دەيىن 80 شاقىرىم. وعان جەتەتىن توتە جول جوق. ايەلىنىڭ قازاسىن اۋىر قابىلداعان داشراتحا اقساقال تاۋدان ءوز قولىمەن جول سالا باستايدى. ونىڭ بۇل ارەكەتىنە اۋىل تۇرعىندارى كۇلە قارادى. ارا-تۇرا اۋىل تۇرعىندارى وعان تاماق الىپ كەلىپ تۇردى. قالاعا تىكەلەي شىعاتىن جولدى سالۋعا بىلەك سىبانا كىرىسكەن داشراتحا 22 جىلدا تاۋدان قالاعا توتە جول اشادى. ول 1960 جىلدان 1982 جىل ارالىعىندا ءوزىنىڭ جوباسىن ىسكە اسىرعان. دەگەنىنە جەتپەي قويمايتىن اقساقال ەنى 9 مەتر، ۇزىندىعى 100 مەتر جولدى جاساعان.

مەملەكەت داشراتحانىڭ ەڭبەگىن تەك ول قايتىس بولعاندا عانا ەلەدى. 2011 جىلى داشراتحا قايتىس بولعانىنا 4 جىل تولعاندا ونىڭ سالىپ كەتكەن جولىن جاقسى قالىپقا كەلتىرگەن. ال گەحلور تۇرعىندارى ءالى كۇنگە دەيىن ونىڭ ەسىمىن زور ماقتانىشپەن ەسكە الادى.