بۇگىن الماتى قالاسىنداعى قىلمىستىق ىستەر بويىنشا اۋدانارالىق مامانداندىرىلعان سوتتا الاياق بانكير، «بتا بانكىنىڭ» بۇرىنعى باسشىسى مۇحتار ابلازوۆكە قاتىستى قىلمىستىق ءىس بويىنشا الدىن الا سوت تىڭداۋى وتكىزىلدى.

سوتتالۋشىلار ورىندىعىندا سىرتتاي سوتتالاتىن م. ابىلازوۆتەن بولەك ونىڭ ءۇش سىبايلاسى – «بتا بانكىنىڭ» باسقارما ءتوراعاسىنىڭ ەكس-بىرىنشى ورىنباسارى-نەسيە بەرۋ كوميتەتىنىڭ ءتوراعاسى جاقسىلىق جارىمبەتوۆ، نەسيەلەۋ بويىنشا ەكس-ديرەكتور قايرات سادىقوۆ جانە «بتا بانكىنىڭ» بۇرىنعى باسقارما ءتوراعاسى سادۋاقاس مامەش وتىر.

بۇعان دەيىن قىلمىستىق ىسكە قاتىسۋشىلارعا، سونىڭ ىشىندە م. ءابىلازوۆتىڭ قورعاۋشىسىنا ايىپتاۋ اكتىسى تاپسىرىلدى. 2017 جىلدىڭ 1 جانە 14 اقپانىندا سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرو قىلمىستىق-پروسەسسۋالدىق كودەكستىڭ تالاپتارىنا سايكەس، وتاندىق جانە شەتەلدىك باق-تا ماتەريالدار شىعارۋ جولىمەن م. ءابلازوۆتى سوتقا كەلۋ تۋرالى حاباردار ەتتى. الايدا،ول سوتقا كەلگەن جوق جانە كەلۋىنە كەدەرگى كەلتىرەتىن سەبەپتەر جونىندە دە حابارلاعان جوق.

الاياق بانكيردىڭ ءىسىنىڭ كەيىپكەرلەرىنە قىلمىس جاساۋ، بوتەننىڭ مۇلكىن يەلەنۋ جانە جۇمساۋ، زاڭسىز جولمەن تابىلعان اقشانى زاڭداستىرۋ، بانكتىڭ قاراجاتىن زاڭسىز پايدالانۋ، وكىلەتتىكتەرىن اسىرا پايدالانۋ ماقساتىندا قىلمىستىق قاۋىمداستىق ۇيىمداستىردى جانە قۇردى دەگەن ايىپتار تاعىلىپ وتىر. ال م. ءابىلازوۆتىڭ ءوزى قازاقستان رەسپۋبليكاسىنىڭ قىلمىستىق كودەكسىنىڭ 6 بابى بويىنشا ايىپتالۋدا: اتاپ ايتقاندا، «قىلمىس جاساۋ ماقساتىندا قىلمىستىق قاۋىمداستىق ۇيىمداستىرۋ جانە قۇرۋ»، «سەنىپ تاپسىرالعان بوتەننىڭ مۇلكىن يەلەنۋ جانە جۇمساۋ»، «سەنىپ تاپسىرىلعان بوتەننىڭ مۇلكىنە قاستاندىق جاساۋ جانە جۇمساۋ»، «قىلمىستىق جولمەن تابىلعان اقشا مەن مۇلىكتى زاڭداستىرۋ»، «بانكتىڭ اقشاسىن زاڭسىز جولمەن پايدالانۋ»، «وكىلەتتىكتەرىن اسىرا پايدالانۋ».

سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرو م. ءابلازوۆ پەن ونىڭ سىبايلاستارىنا قاتىستى قىلمىستىق ءىس بويىنشا سوتقا دەيىنگى تەرگەۋ شارالارى اياقتالىپ، ءىس پروكۋراتۋرا ورگاندارى ارقىلى سوتقا جونەلتىلگەنىن حابارلاعان ەدى.