ءتۇرى ۇسقىنسىز بولعاندىقتان اتا-اناسى تاتساپ كەتتى دەگەندى ەستىپ پە ەدىڭىز؟ الايدا، دجونو لانكاستەر ەسىمدى بالاقايدىڭ باسىنان ءدال وسىنداي جاعداي ءوتتى. ونىڭ وقيعاسى كىمنىڭ بولسا دا جۇرەگىن ەلجىرەتەرى انىق.
دجونو لانكاستەر كوللينزا سيندرومىنا شالدىققان. ياعني، كەيبىر ۇساق سۇيەكتەرى جەتىلمەي، ەستۋ مۇشەسىنە زاقىم كەلگەن.
الايدا، ول ءاردايىم بىرنارسەنى ەسىندە ساقاتدى – تاعدىرعا مويىنۇسىنباۋ، قيىنشىلىققا ەشقاشان دەس بەرمەۋ.
اناسى ءسابيدى بوسانعان سوڭ، كوپ ويلانباستان بالاسىنان باس تارتاتىنىن جەتكىزگەن. ول اتا-اناسىنا رەنجىمەيدى. قايتا، باعى بار ەكەنىن ايتادى. ءدال وسى سيندروممەن اۋىراتىن بالالار وتا جاساتىپ اقشالارىن كوككە شىشپ ءجۇر، ال دجونعا ونىڭ كەرەگى جوق.
ءبىراز كۇندەردەن سوڭ بالانى دجين لانكاستەر ەسىمدى ايەل اسىراپ الادى.
ونىڭ كەلبەتى باسقا بالالاردان وزگەشە ەدى. مەكتەپتە وقىپ جۇرگەندە-اق بالا ءوزىنىڭ باسقالارعا ۇقسامايتىنىن بايقاعان. «كوبىسى جۇقتىرىپ الۋعا قورقىپ مەنەن الىس جۇرەتىن. انامنان سەبەبىن سۇراعاندا، ول جاۋاپ قاتپاي جىلاي بەرەتىن. مەن ونىڭ كوز جاسىنا ءوزىمدى كىنالى سەزىنەتىنمىن».
مەكتەپتە ونى بالالاردىڭ ءبارى دەرلىك جەك كوردى. ءوزىن مۇلدەم جالعىز سەزىنىپ ءجۇردى.
ءسويتىپ، بالا ەرجەتتى. بارمەن بولىپ جۇمىسقا ورنالاستى. بۇل ونىڭ ءومىرىن وزگەرتتى جاقسى جاققا...
بىردە دجوننىڭ جانىنا سكينحەد كەلىپ: «قۇلاعىڭنىڭ ءجوندى ەستىمەيتىنى قانداي جاقسى، ايەلىڭنىڭ ۇرىسقان سوزدەرىن ەستىمەيتىن بولاسىڭ»، - دەدى. دجون كۇلىپ، راسىندا، بار قيىنشىلىقتىڭ ءبىر جەڭىلدىگى بولاتىنىن ويلادى.
بۇگىنگى كۇنى دجونو ءمۇعالىم بولىپ، بالالارمەن جۇمىس ىستەپ ءجۇر. ءوز تاعدىرىن جەڭىپ شىقتى. بالالارعا ءارقاشان كۇش بەرىپ وتىرادى. بار جاعداي تەك جاقسىلىققا اپاراتىنىن ايتادى:
«مەنىڭ بيولوگيالىق اتا-انام مەنىمەن ءالى كۇنگە دەيىن بايلانىسقىلارى كەلمەيدى. ءدال سول سەبەپتى مەنىڭ قورشاعان ورتاعا، اينالامداعى ادامدارعا دەگەن كوزقاراسىم باسقاشا بولدى. مەندە مۇمكىندىك بولعاننىڭ وزىندە، ەشتەڭەنى وزگەرتپەس ەدىم. بار قيىنشىلىقتىڭ تۇبىندە جەڭىلدىك جاتادى».
پىكىر قالدىرۋ