كۇن سايىن الەۋمەتتىك جەلىدە مييلياردتاعان فوتو جاريالانادى. كەيدە ءتىپتى ءساتتى كادر ءۇشىن ءوز ءومىرى مەن دەنساۋلىعىن قاتەرگە تىگۋگە دايىندارى دا بار. سەلفي جاسايمىز دەپ كوز جۇمعاندارى دا جەتەرلىك.

26 جاستاعى كولەتت مورەنو ءۇشىن قۇربىسىمەن تۇسكەن مىنا كوڭىلدى فوتوسى ومىرىندەگى ەڭ سوڭعى سۋرەت بولدى. كامەراعا قارايمىن دەپ، جولدىڭ قارسى بەتىنە شىعىپ كەتكەن قىزدار جۇك كولىگىمەن سوقتىعىسادى. كولەتتىڭ جاقىندا تويى ءوتۋى كەرەك ەدى. كولەتت توي الدىنداعى قىزدارمەن كەزدەسۋگە بارا جاتقان.

فوتوداعى مىنا قۇزدان ەرلى-زايىپتىلار سۋرەتكە تۇسەمىز دەپ تەپە-تەڭدىگىن ۇستاي الماي قۇلاپ كەتكەن. ولاردىڭ كىشكەنتاي بالالارىنا پسيحولوگيالىق كومەك كورسەتىلدى. سەبەبى ولارلىڭ اتا-اناسى بالالاردىڭ كوزىنشە كوز جۇمعان.

اننا ۋرسا ەسىمدى رۋمىندىق قىز پوەزدتىڭ ۇستىندە سەلفي جاساماق بولعان. فوتو ەرەكشە شىعۋ ءۇشىن 18 جاستاعى قىز اياعىن كوتەرگەندە سىمعا اياعى ءتيىپ كەتىپ، 27 000 ۆاتت توق اننانىڭ دەنەسىن ءپىسىرىپ جىبەرگەن.

مەكسيكاندىق وسكار وگيلار وتەرو قىمبات كولىكتەرمەن، ادەمى ايەلدەرمەن فوتوعا تۇسكەندى ۇناتاتىن. وسى جولى ول فوتو البومىنا تاپانشامەن تۇسكەن فوتوسىن قوسۋدى ويلايدى. وسكار بايقاماي تاپانشامەن وزىنە اتىپ جىبەرگەن.

كسەنيا يگناتوۆنانىڭ مۇراعاتىندا ءومىرىن قاتەرگە تىككەن فوتولار كوپ. كوپىردەگى كەزەكتى فوتوسى ونىڭ سۋرەتتەر جيناعىن تاعى ءبىر ەكستريمالدى فوتوسىمەن تولىقتىرۋى كەرەك ەدى. الايدا وعان شىعىپ بارا جاتىپ، قىزدىڭ اياعى تايىپ كەتەدى. ول قولىنا تۇسكەن ەڭ ءبىرىنشى زاتتى ۇستاپ قالادى. ول توقتىڭ سىمى ەدى. كسەنيانى توق سوعىپ سول جەردە ءتىل تارتپاستان كوز جۇمدى.

فيليپپينگە دوستارىمەن دەمالۋعا بارعان 18 جاستاعى قىز وندا ءولىم قۇشاتىنىن مۇلدە ويلامادى. قۇرىلىس فاكۋلتەتىنىڭ ستۋدەنتى فوتوداعى جەردە سۋرەتكە تۇسپەك بولعاندا سۋدىڭ قاتتى اعىسى ونىڭ اياعىنان شالىپ سۋدىڭ تەرەڭ جەرىنە الىپ كەتەدى. ستۋدەنت قىزدى دوستارى قۇتقارا المادى. وسىلايشا قىز كوز جۇمدى.