وڭتۇستىك كورەيانىڭ ستۋدەنتى ءوزىنىڭ تۋعان كۇنىندە ءتاتتى نان جەپ، كوز جۇمدى. ولار دوستارىمەن بىرگە "كىم كوپ جەيدى" دەگەن ويمەن باستەسكەن.

كەنەتتەن بولعان جاعداي كورەيانىڭ كۆانچجۋ قالاسىنداعى دەمالىس ۇيلەردىڭ بىرىندە ورىن العان. 

ءبىر توپ ستۋدەنتتەر جاڭا وقۋ جىلىنىڭ باستالۋىن اتاپ وتۋگە كەلەدى. ساۋىق كەشى قىزا باستاعان ساتتە كوڭىل كوتەرۋگە كەلگەن ستۋدەنتتەردىڭ ءبىرىنىڭ جاقىندا عانا تۋعان كۇنى وتكەندىگى بەلگىلى بولادى. 

مەديسينا فاكۋلتەتىنىڭ ءتورتىنشى كۋرسىندا ءبىلىم الىپ جاتقان 21 جاسار قىزدى بارلىق دوستارى وتكەن تۋعان كۇنىمەن قۇتتىقتاۋعا كىرىسەدى. كەيىننەن اتاۋلى داتانىڭ قۇرمەتىنە وراي ءبىر قىزىقتى ويىن ۇيىمداستىرماق بولىپ، ChocoPie كۇلشەلەرىن كىم كوپ جەي الادى دەپ ءباس تىگەدى. 

تۋعان كۇن يەسى بۇل باستەن جەڭىپ شىققىسى كەلگەنى سونشالىقتى، ءتاتتى ناندى كوز ىلەستىرمەس جىلدامدىقپەن اۋزىنا نىعارلاي تۇسكەن. 

ءتاتتى نانعا كەپتەلىپ قالعان بويجەتكەن تەز ارادا تازالىق بولمەسىنە جۇگىرىپ شىعادى. ءبىراق ۋاقىت وتە كەشتىڭ قوناقتارى قىزدىڭ دارەتحانادا تالىپ جاتقانىن كورەدى. دارىگەرلەردىڭ كومەگىن قاجەت ەتكەن ستۋدەنت قىز تەز ارادا اۋرۋحاناعا جەتكىزىلەدى. الايدا، دارىگەرلەر قىزدىڭ جان تاپسىرعانىن حابارلايدى. 

ءولىمنىڭ نە سەبەپتى ورىن العانى ازىرشە انىقتالۋ ۇستىندە. دەسە دە، دارىگەرلەر قىزدىڭ اسا كوپ مولشەردە جەلىنگەن ناننىڭ كەسىرىنەن بولدى دەپ پايمداۋدا. ولار ءتاتتى نان قىزدىڭ كەڭىردەگىنە كەتىپ، تيىسىنشە اۋا ءوتۋ جولدارىن جاۋىپ تاستاعان دەسەدى.

مالىمەت ۆكونتاكتە جەلىسىندەگى جاڭالىقتار توبىنان الىندى.