ەكىنشى ورتا سالماقتا جۇدىرىقتاساتىن قازاقستاندىق بوكسشى ايدار شارىبايەۆ مەكسيكالىقتى نوكاۋتقا ءتۇسىرىپ، كاسىپقوي رينگتەگى بەسىنشى جەڭىسىنە قول جەتكىزدى، - دەپ حابارلايدى Vesti.kz.

23 جاستاعى مەكسيكالىق گابينا كوتامەن (19-7-1، 17 كو) جەكپە-جەگى اقش-تىڭ تامپ قالاسىندا ءوتتى. تاياۋدا قوس بوكسشى دا 130 فۋنت سالماق كورسەتىپ، جەكپە-جەككە اسقان دايىندىقپەن كەلگەن.

جەكپە-جەكتە قازاقستاندىق باسىم بولدى. ءبىرىنشى راۋندتا-اق شارىبايەۆ بىرنەشە سوققى جاساپ، قارسىلاسىن نوكداۋنعا ءتۇسىردى. بەسىنشى راۋندتا گابينا كوتا كەزدەسۋدى جالعاستىرۋدان باس تارتىپ، تەحنيكالىق نوكاۋت تىركەلدى.

وسىدان كەيىن قازاقستاندىق بوكسشى كەزدەسۋى جايلى ايتىپ بەردى: جەڭىسكە جەتكەنىمە شەكسىز قۋانىشتىمىن. نوكاۋتپەن جەڭگىم كەلدى. قارسىلاسىم وسال ەمەس. ارينە، امەركادا مىقتى بوكسشىعا قارسى دەبيۋت جاقسى تاجىريبە. كۋبالىق مامانداردىڭ جۇيەسى بويىنشا ەكى اي دايىندىقتان ءوتتىم. ۇيرەنگەنىمدى رينگتە كورسەتتىم. باپكەرلەردىڭ كوڭىلى تولىپتى".

سونىمەن قاتار، ول كورەرمەننىڭ ءوزىن گولوۆكينمەن تەڭەگەنى جايلى ايتتى. "كورەرمەن قولداۋ ءبىلدىرىپ وتىردى، بۇل جاقسىلىقتىڭ بەلگىسى، ولارعا مەنىڭ بوكسىم ۇنادى، كەيبىرى ءتىپتى مەنى ەكىنشى GGG دەپ اتاپتى. جەڭىسىمدى ءوز ەلىمە جانە جانكۇيەرلەرىمە ارنايمىن! قازاقستان تۋىن امەريكا جەرىندە كوتەرۋ مەن ءۇشىن ماقتانىش!"، - دەدى شارىبايەۆ.