ق ر پرەمەر-مينيسترى باقىتجان ساعىنتايەۆ شىعىس قازاقستان وبلىسىنا جۇمىس ساپارى بارىسىندا كاسىپكەرلەرمەن كەزدەسۋ وتكىزدى. كەزدەسۋ بارىسىندا مەملەكەتتىك ساتىپ الۋلار جۇيەسىن ودان ءارى دامىتۋدىڭ وزەكتى ماسەلەلەرى تالقىلاندى.
ق ر پرەمەر-مينيسترى باقىتجان ساعىنتايەۆ ۇكىمەت ساياساتى ەلىمىزدەگى ەكونوميكالىق ءوسىمدى قوزعاۋشى كۇشكە اينالۋى ءتيىستى، بيزنەس پوزيسيالاردى نىعايتۋعا نەگىزدەلگەنىن ايتىپ ءوتتى.
باقىتجان ساعىنتايەۆ مەملەكەتتىك ساتىپ الۋلار جۇيەسىن جەتىلدىرۋ جولىندا جۇمىستاردىڭ اتقارىلعانىن، سوعان وراي قازاقستاننىڭ ءۇش وبلىسىندا مەملەكەتتىك ساتىپ الۋلار كەزىندە قازىناشىلىق سۇيەمەلدەۋدىڭ پيلوتتىق جوباسى ەنگىزىلەتىنىن حابارلادى. بۇل قۇرىلىس ساپاسىن ارتتىرۋعا جانە ىسكە اسىرىلاتىن جوبالارعا وتاندىق كاسىپورىنداردىڭ قاتىسۋ ۇلەسىن ۇلعايتۋعا مۇمكىندىك بەرەدى.
بۇدان وزگە، قازىرگى ۋاقىتتا ورتالىقتاندىرىلعان قىزمەت قاعيداسى بويىنشا مەملەكەتتىك ساتىپ الۋلاردى جۇزەگە اسىرۋ ماسەلەلەرى پىسىقتالۋدا. ول ءدال ولشەمدەردى بەكىتىپ، راسىمدەردىڭ ايقىندىعىن ارتتىرۋعا مۇمكىندىك بەرەدى.
سونداي-اق، ق ر پرەمەر-مينيسترى ب. ساعىنتايەۆ كاسىپكەرلەرگە ساتىپ الۋلاردىڭ ءىت-پلاتفورماسى قۇرىلاتىنىن ايتتى. ول بيزنەسكە ءوز ءوندىرىسىن ءتيىمدى جوسپارلاپ، ۇيىمداستىرۋعا مۇمكىندىك بەرەتىن، مەملەكەتتىك جانە كۆازيمەملەكەتتىك سەكتورلاردىڭ ورتاق ساتىپ الۋلارىنا قولجەتىمدىلىكتىڭ ءبىرىڭعاي ورنى.
كەڭەس بارىسىندا شىعىس قازاقستان وبلىسى اكىمىنىڭ ءبىرىنشى ورىنباسارى ن. ساقتاعانوۆ جانە بيزنەس-قاۋىمداستىقتاردىڭ وكىلدەرى ءسوز سويلەدى، سونىڭ ىشىندە «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ا. مىرزاحمەتوۆ، شقو كاسىپكەرلەر پالاتاسىنىڭ ديرەكتورى ي. شاسكيي، «الماتى جەلدەتكىشتەر زاۋىتى» ج ش س ديرەكتورلار كەڭەسىنىڭ ءتوراعاسى م. باققۇلوۆ، جيھاز جانە اعاش وڭدەۋ ونەركاسىبى كاسىپورىندارى قاۋىمداستىعىنىڭ پرەزيدەنتى ە. سادىقوۆ جانە «ەسكو» ج ش س ديرەكتورى ا. شمارين بار.
كەزدەسۋ قاتىسۋشىلارى ونەركاسىپتىڭ ءتۇرلى سالالارىندا مەملەكەتتىك ساتىپ الۋلار جۇيەسىن دامىتۋ جونىندەگى ءوز ۇسىنىستارىن ايتتى.
جالپى باقىتجان ساعىنتايەۆ ق ر ۇكىمەتى جۇيەلىك نەگىزدە كاسىپكەرلىك احۋالدى جەتىلدىرۋ مەن بيزنەستىڭ ىسكەري بەلسەندىلىگىن ىنتالاندىرۋ بويىنشا جۇمىستار جۇرگىزىپ جاتقانىن اتاپ ءوتتى. وسى ورايدا ەلىمىزدىڭ ءاربىر جۇيە قۇراۋشى كاسىپورنى بويىنشا جەرگىلىكتى قامتۋ كولەمىن ۇلعايتۋ جۇمىستارى جالعاستىرىلادى. بۇدان وزگە، كاسىپكەرلەرگە قارجىلىق جانە زاڭنامالىق قولداۋ كورسەتۋ شارالارى ۇسىنىلاتىن بولادى. ق ر ۇكىمەتى بيزنەس شىعىندارىن قىسقارتۋ مەن قايتا رەتتەۋ جۇمىستارىن جالعاستىرادى.
پىكىر قالدىرۋ