10 ماۋسىم مەن 10 شىلدە ارالىعىندا ەكسپو-2017 حالىقارالىق مامانداندىرىلعان كورمەسىنە كەلۋشىلەرىنىڭ سانى 921 293 ادامعا جەتتى دەپ حابارلايدى قامشى اقپاراتتىق اگەنتتىگى ەكسپو-2017 كورمەسىنىڭ قوعاممەن بايلانىس دەپارتامەنتىنە سىلتەمە جاساپ. 

جاقىن ارادا ميلليونىنشى ادامنىڭ كورمەگە كەلۋى كۇتىلۋدە.

حالىقارالىق پاۆيلوندارعا جالپى كەلۋشىلەردىڭ سانى 5 960 212 ادامدى قۇرايدى.

كورمە كەشەنىنىڭ نەگىزگى وبەكتتەرىنە 834 579 ادام بارعان.

ەڭ اۋقىمدى كەلۋشىلەر سانىن، 303 007 ادامدى نۇر-الەم پاۆيلونى جيناعان.

جالپى ساناق بويىنشا كورمەگە كەلۋشىلەردىڭ 14% نەمەسە 130 مىڭ ادام شەتەلدىك ازاماتتاردى قۇرايدى.

ءبىر اي ىشىندە 160 مىڭ ادام كورمەگە جەڭىلدىكتەر ارقىلى كىرگەن.  بۇل تىزىمگە مەكتەپ وقۋشىلارى، ستۋدەنتتەر، زەينەتكەرلەر جانە 6 جاسقا دەيىنگى بالالار مەن مۇگەدەكتەر، ۇوس ارداگەرلەرى جاتادى.

سونىمەن قاتار، 1031 مادەني ويىن-ساۋىق جانە ىسكەرلىك ءىس-شارالار، ەل باسشىلارىنىڭ، مينيسترلەر مەن حالىقارالىق پاۆيلون كوميسسارلارىنىڭ قاتىسۋىمەن بارلىعى 84 رەسمي ءىس-شارا وتكىزىلدى. 

شولۋشى: اسەم المۇحانبەت